“Bethlehem Ephrathah, . . . man wea bae rul for mi long Israel bae kamaot from iu nao.”

Micah 5:2

“Bihaen Jesus hem born long Bethlehem long Judea long taem wea Herod hem king, olketa man from East wea lukluk long olketa star for trae savve long samting wea bae happen, olketa kam long Jerusalem.”

Matthew 2:1

“Olketa divaedem kaleko bilong mi and sharem for fitim olketa, and olketa plei daes for tekem longfala shirt bilong mi.”

Psalm 22:18

“Bihaen olketa soldia nilam Jesus long post, olketa tekem kaleko bilong hem and divaedem long fofala haf . . . Longfala shirt wea Jesus werem andanit long datfala kaleko hem barava spesol bikos no eni part bilong hem garem join. So olketa sei: ‘Iumi no brekem disfala kaleko. Iumi plei daes for savve hu nao bae tekem.’”

John 19:23, 24

“Hem gaedem evri bon bilong hem. No eni bon bilong hem brek.”

Psalm 34:20

“Taem olketa lukim Jesus hem dae finis, olketa no brekem leg bilong hem nao.”

John 19:33

“Olketa spiarim hem for sin bilong iumi.”

Isaiah 53:5

“Wanfala soldia spiarim hem long saed bele bilong hem. Semtaem nomoa, blood and wata kamaot nao.”

John 19:34

“Olketa givim pei bilong mi, wea hem nao 30 silver coin.”

Zechariah 11:12, 13

“Judas Iscariot, wea hem wanfala aposol bilong Jesus, hem go long olketa hed priest and hem sei long olketa: ‘Sapos mi tekem iufala go long Jesus, wanem nao bae iufala givim long mi?’ Olketa sei bae olketa givim thirti silver coin long hem.”

Matthew 26:14, 15; 27:5