PART 1
From Creation Go Kasem Flood
Wea nao skae and earth kam from? Hao nao sun, moon and olketa star, and plande narafala samting long earth kamap? Bible givim trufala ansa taem hem sei God nao wakem olketa. So buk bilong iumi start witim olketa Bible story abaotem creation.
Olketa firstfala samting wea God wakem, hem olketa spirit man olsem hemseleva. Olketa hia angel. Bat hem wakem earth for pipol olsem iumi. So God wakem man and woman, Adam and Eve, and putim olketa insaed long wanfala naesfala garden. Bat olketa no obeyim God so olketa no fit for gohed for stap laef.
From start long taem wea God wakem Adam go kasem bigfala Flood, hem 1,656 year. Insaed long disfala taem, plande nogud pipol stap. Long heven, olketa spirit wea man no savve lukim olsem Satan and olketa nogud angel bilong hem stap. Long earth, Cain and plande narafala nogud pipol stap, and samfala barava strongfala man tu. Bat gudfala pipol tu stap long earth long datfala taem—Abel, Enoch and Noah. Long Part WAN iumi bae read abaotem olketa pipol hia and samting wea happen.
LO DISFALA SEKSON
STORY 1
God Start for Wakem Samting
Nomata olketa young pikinini bae savve minim and interest long story abaotem creation wea Genesis storyim.
STORY 2
Wanfala Naes Garden
Genesis storyim hao God wakem garden bilong Eden hem wanfala spesol ples. God laekem full earth for luk naes olsem datfala garden.
STORY 3
Firstfala Man and Woman
God wakem Adam and Eve and putim tufala insaed garden bilong Eden. Tufala nao firstfala hasband and waef.
STORY 5
Hardfala Taem Hem Start
Taem Adam and Eve lusim garden bilong Eden, tufala garem staka problem. Sapos tufala obeyim God, laef bilong tufala and olketa pikinini bae hapi.
STORY 6
Gudfala Son,and Nogud Son
Story abaotem Cain and Abel insaed Genesis storyim olketa fasin wea iumi mas garem and wanem kaen fasin nao iumi mas kwiktaem lusim.
STORY 7
Wanfala Man wea No Fraet
Example bilong Enoch showimaot iu savve gohed duim stret samting nomata staka pipol gohed duim olketa nogud samting.
STORY 8
Olketa Giant Stap Long Earth
Genesis chapter 6 story abaotem olketa giant wea raf and spoelem pipol. Olketa giant hia, wea nem bilong olketa nao Nephilim, olketa pikinini bilong olketa angel wea lusim heven and laef olsem man long earth.
STORY 9
Noah Buildim Wanfala Ark
Noah and famili bilong hem stap laef long taem bilong Flood bikos olketa obeyim God nomata olketa nara pipol no laek lisin.
STORY 10
Bigfala Flood
Pipol mekfani long olketa warning message bilong Noah. Bat olketa no mekfani taem flood gohed foldaon from heven! Lukim hao ark bilong Noah sevem Noah, famili bilong hem, and staka animal.
