From Prisoner Long Babylon Go Kasem Taem Olketa Buildim Bak Wall Bilong Jerusalem
PART 5
From Prisoner Long Babylon Go Kasem Taem Olketa Buildim Bak Wall Bilong Jerusalem
Taem olketa Israelite prisoner long Babylon, faith bilong olketa kasem plande test. Olketa torowem Shaʹdrach, Meʹshach and A·bedʹne·go insaed long bigfala fire, bat God sevem olketa. Bihaen, taem olketa bilong Media and Persia winim Babylon, olketa torowem Daniel insaed long hol bilong olketa lion, bat God protectim hem tu taem hem satem mouth bilong olketa lion.
Gogo, king Cyrus bilong Persia letem olketa Israelite go. Olketa go bak long hom bilong olketa bihaen 70 year wea olketa tekem olketa go olsem prisoner long Babylon. Wanfala first samting wea olketa duim taem olketa go bak long Jerusalem hem for start buildim temple bilong Jehovah. Bat, olketa enemy stopem waka bilong olketa. So olketa finisim temple long samting olsem 22 year bihaen olketa go bak long Jerusalem.
Then, iumi lane abaotem gogo bilong Ezra for go bak long Jerusalem for mekem temple luk naes. Diswan happen long samting olsem 47 year bihaen olketa finis for buildim temple. Then 13-fala year bihaen long gogo bilong Ezra, Nehemiah help moa for buildim bak olketa wall bilong Jerusalem wea brekdaon. Part FAEV story abaotem olketa samting wea happen insaed 152 year.
LO DISFALA SEKSON
STORY 77
Olketa No Willing for Baodaon
Waswe God bae sevem thrifala young man wea obey from wanfala bigfala fire?
STORY 79
Daniel Insaed Hol Bilong Lion
Daniel kasem komand for die, bat waswe hem savve duim eni samting for no kasem datwan?
STORY 80
Pipol Bilong God Lusim Babylon
Taem King Cyrus bilong Persia tekovarem Babylon datwan mekem wanfala profesi for kamap tru and distaem hem mekem nara profesi for kamap tru.
STORY 81
Trustim Help From God
Olketa Israelite obeyim God winim wei for obeyim olketa law bilong man. Waswe bae God blessim olketa?
STORY 82
Mordecai and Esther
Queen Vashti luk naes fogud, but King Ahasuerus chusim Esther for kamap niu queen bilong hem. Why?
STORY 83
Wall Bilong Jerusalem
Olketa wakaman mas redi witim sword and spia bilong olketa, taem olketa buildim bak wall long day and naetaem.