Hao for kasem gud samting from study course hia
Firstaem readim information lo disfala page and next page, then pleim VIDEO hia.
FIRST SEKSON
For prepare for each leson, readim first sekson. Olketa bold kwestin (A) and olketa scripture (B) mekhae lo main point. Bae iu lukim samfala scripture olketa markem for “readim.”
MIDOL SEKSON
Toktok anda lo (C) Dig Go Moa hem explainim wat sekson hia storyim. Olketa subheding (D) introducem olketa main point. Readim olketa scripture, ansarem olketa kwestin, and watchim olketa video witim Witness wea study witim iu.
OLKETA VIDEO and AUDIO RECORDING insaed each leson helpem iu for minim gud topic wea leson storyim. Samfala video hem abaotem olketa real samting wea happen. Olketa nara video hem olketa story wea olketa actim nomoa and hem abaotem olketa samting wea savve happen.
Ting raonem olketa piksa, toktok anda lo each piksa (E), and hao for ansarem wat Samfala Savve Talem (F).
LAST SEKSON
Each leson finis witim Main Point and Review (G). Raetem date wea leson complete. Goal (H) showim wat iu savve impruv lo hem. Faendaot Moa (I) garem olketa nara reference for readim and olketa video for watchim.
Hao for lukaotem olketa Bible verse
Bible garem 66-fala smol buk. Olketa divaedem lo tufala sekson. First part hem Olketa Hebrew and Aramaic Scripture (“Old Testament”) and second part hem Olketa Christian Greek Scripture (“Niu Testament”).
Lo disfala study course hem garem olketa scripture. Olketa scripture start witim nem blo Bible buk (A), then chapter (B), and verse or olketa verse (C).
Example, John 17:3 hem minim Bible buk John, chapter 17, verse 3.
Iu Laek Lukim Nara Samting?
OLKETA KWESTIN WEA STAKA PIPOL ASKEM
Wat Nao Bible Study Course blo Olketa Jehovah’s Witness?
Disfala Bible study course blo Olketa Jehovah’s Witness hem free nomoa, and iu savve iusim eni Bible transleison wea iu laekem. Iu savve invaetem olketa lo famili or eni fren blo iu for joinim disfala course.
