LESON 06
Hao Nao Laef Hem Start?
“[God] nao givim laef.” (Psalm 36:9, NW) Iu bilivim datwan? Samfala pipol sei evri samting wea laef no eniwan creatim. Sapos datwan hem tru, then laef hem kamap seleva nomoa. Bat if Jehovah God nao creatim laef, laef mas garem plan, iaman? a Lukim wanem Bible talem abaotem hao laef hem start, and why hem stret for bilivim datwan.
1. Hao nao universe hem start?
Bible sei: “Lo firstaem, God wakem skae and earth.” (Genesis 1:1, NW) Staka scientist bilivim universe garem start. Wat nao God iusim for creatim universe? Hem iusim holy spirit blo hem for mekem evri samting insaed universe, wea hem nao olketa galaxy, star, and olketa planet.—Jenesis 1:2.
2. Why nao God creatim earth?
Jehovah “no mekem disfala wol fo stap nating, hemi mekem fo pipol i stap long hem.” (Aesaea 45:18) Earth hem naes ples wea God wakem for iumi stap and hem garem evri samting wea iumi needim for laef olowe. (Readim Aesaea 40:28; 42:5.) Olketa scientist sei earth hem barava spesol winim olketa nara planet, and hem nomoa planet wea garem evri samting wea iumi needim for laef.
3. Wat nao mekem iumi difren from olketa animal?
Taem Jehovah wakem earth finis, first samting wea hem creatim hem olketa plant and animal. Then ‘God mekem man an man ya tekem wei blo hem.’ (Readim Jenesis 1:27.) Wat nao mekem iumi difren? From God mekem iumi for tekem wei blo hem, iumi savve followim olketa wei blo hem olsem love and justice. Iumi fit tu for lanem nara languis, enjoyim olketa samting wea luk naes and music. And iumi savve worshipim Creator blo iumi wea olketa animal no savve duim.
DIG GO MOA
Bae iumi storyim pruv wea showim samwan nao designim laef, and wanem Bible talem abaotem creation hem stret. Bae iumi lane tu abaotem God from olketa gudfala wei blo iumi.
4. Samwan nao designim laef
Pipol tinghae lo olketa wea copyim design blo olketa samting lo creation. So hu nao iumi shud tinghae lo hem for olketa original design blo creation? Pleim VIDEO, then discussim tugeta disfala kwestin.
-
Wat nao samfala design blo creation wea olketa man copyim?
Evri haos samwan nao designim and buildim. Bat hu nao designim and mekem olketa samting blo creation? Readim Hebrew 3:4, then discussim tugeta olketa kwestin hia:
-
Wat nao samfala design blo creation wea iu laekem tumas?
-
Iu tingse hem stret for bilivim samwan nao designim universe and evri samting insaed? Why nao iu ting olsem?
Maet iu laek savve
Olketa article and video abaotem topic hia hem lo jw.org anda sekson “Waswe, Samwan Designim?” and “Tingting Bilong Samfala Abaotem Hao Laef Hem Start.”
“Iumi savve, evri haos man nao wakem, bat man wea wakem evri samting hem God”
5. Wanem Bible talem abaotem creation hem stret
Lo Jenesis chapter 1, Bible storyim hao earth and evri samting wea laef insaed hem start. Hao iu bilivim datwan, or hem kastom story nomoa? Pleim VIDEO, then discussim tugeta olketa kwestin hia.
-
Hao, Bible storyim earth and evri samting wea laef insaed, God creatim insaed sixfala 24-hour day?
-
Iu tingse wanem Bible talem abaotem creation hem mek sense and stret? Why nao iu ting olsem?
Readim Genesis 1:1 (NW), then discussim tugeta disfala kwestin:
-
Olketa Scientist sei universe hem garem start. Hao nao tingting blo iu abaotem wanem olketa Scientist talem and wat iu just readim lo Bible?
Samfala pipol tingse God iusim evolution for creatim evri samting wea laef. Diswan minim olketa tingse God wakem wanfala cell nomoa wea laef, then hemseleva change go lo olketa difren kaen samting wea laef. Readim Jenesis 1:21, 25, 27, then discussim tugeta olketa kwestin hia:
-
Hao, Bible sei God iusim evolution for wakem olketa fish, olketa animal, and iumi olketa man? Or, hem creatim olketa “deferen kaen” samting hia wea laef?
6. Iumi olketa man spesol creation blo God
Iumi difren from olketa animal wea Jehovah creatim. Readim Jenesis 1:26, then discussim tugeta disfala kwestin:
-
Olsem Bible talem, God wakem iumi for tekem wei blo hem. From iumi savve lovem and sorre lo narawan, wat nao datwan teachim iumi abaotem God?
SAMFALA SAVVE TALEM: “Story lo Bible abaotem creation hem kastom story nomoa.”
-
Hao nao tingting blo iu abaotem datwan? Why nao iu ting olsem?
MAIN POINT
Jehovah creatim universe and evri samting wea laef.
Review
-
Wat nao Bible teachim abaotem hao universe hem start?
-
Hao, God iusim evolution for wakem evri samting wea laef, or hem creatim evri samting hia?
-
Wat nao mekem iumi spesol?
FAENDAOT MOA
Lukim samfala example lo creation wea showim wanfala creator hem stap.
“Wat Nao Iumi Savve Lanem From Creation?” (Awake!, September 2006)
Lukim hao wanfala dadi savve explainim story lo Bible abaotem creation lo smol boy blo hem.
Read abaotem sapos evolution hem stret witim story lo Bible abaotem creation.
“Waswe, God Iusim Evolution for Creatim Olketa Difren Kaen Samting wea Laef?” (Article lo jw.org)
Read abaotem sapos olketa bon from bifor kam or olketa experiment blo science showim samwan nao creatim olketa samting wea laef or olketa kamap seleva nomoa.
Iu Laek Lukim Nara Samting?
OLKETA KWESTIN WEA STAKA PIPOL ASKEM
Wat Nao Bible Study Course blo Olketa Jehovah’s Witness?
Disfala Bible study course blo Olketa Jehovah’s Witness hem free nomoa, and iu savve iusim eni Bible transleison wea iu laekem. Iu savve invaetem olketa lo famili or eni fren blo iu for joinim disfala course.
