LESON 25
God Laekem Iumi for Garem Wat Kaen Laef?
Bible sei laef blo iumi olketa man “hemi sot tumas, and hemi garem staka hard taem.” (Job 14:1) Hao, diswan nao laef wea God laekem iumi for garem? Sapos nomoa, wat kaen laef nao hem laekem iumi for garem? Bae plan blo hem for iumi kamap tru tu? Bae iumi storyim samting wea Bible talem wea barava comfortim iumi.
1. Jehovah laekem iumi for garem wat kaen laef?
Jehovah laekem iumi for garem gud laef. Taem hem creatim first man and woman, Adam and Eve, hem putim tufala lo wanfala paradaes wea luk naes tumas, hem nao garden blo Eden. Then “God blessim tufala and God sei lo tufala: ‘Garem staka pikinini and mekem earth fulap lo pipol and lukaftarem earth.’” (Genesis 1:28, NW) Jehovah laekem tufala for garem pikinini, for mekem full earth kamap paradaes, and for lukaftarem olketa animal. Hem laekem evriwan for garem gud health and for laef olowe.
Nomata iumi no garem datfala laef distaem, a plan blo God hem no change. (Aesaea 46:10, 11) Hem still laekem pipol wea obey for garem gud laef and laef for olowe.—Readim Revelation 21:3, 4.
2. Wat nao iumi savve duim for hapi and satisfae lo laef distaem?
Jehovah wakem iumi and iumi “needim” hem lo laef blo iumi, dastawe iumi laek for savve lo hem and worshipim hem. (Readim Matthew 5:3-6.) Hem laekem iumi for fren gud witim hem, “followim evri wei blo hem, lovem hem,” and worshipim hem “lo full heart blo [iumi].” (Deuteronomy 10:12, NW; Sams 25:14) Taem iumi duim olsem, iumi savve hapi nomata iumi garem olketa problem. Taem iumi worshipim Jehovah, iumi hapi and satisfae lo laef bikos iumi duim samting wea hem laekem.
DIG GO MOA
Bae iumi lane abaotem bigfala love wea Jehovah showim for iumi taem hem redyim earth, and wanem Bible talem wea iumi savve duim for hapi and satisfae.
3. Jehovah laekem iumi olketa man for garem gud laef
Pleim VIDEO, then discussim tugeta disfala kwestin.
-
Why nao God wakem planet blo iumi wea luk naes tumas?
Readim Ecclesiastes 3:11 (NW), then discussim tugeta disfala kwestin:
-
Wat nao iu lanem abaotem Jehovah from disfala scripture?
4. Plan blo Jehovah hem no change
Readim Sams 37:11, 29 and Aesaea 55:11, then discussim tugeta kwestin hia:
-
Hao nao iumi savve plan blo Jehovah for iumi hem no change?
Haos wea pipol spoelem man savve fixim bak. Disfala earth wea pipol spoelem bae God fixim bak tu for olketa wea lovem hem
5. Iumi hapi and satisfae taem iumi worshipim Jehovah
For savve lo reason why God wakem iumi, datwan savve mekem iumi hapi. Pleim VIDEO, then discussim tugeta kwestin hia.
-
Taem Terumi lanem reason why God wakem iumi, hao nao datwan helpem hem?
Readim Eklesiastes 12:13, then discussim tugeta kwestin hia:
-
From Jehovah duim staka gud samting for iumi, wat nao iumi savve duim for showim iumi tinghae lo datwan?
ENIWAN MAET ASK: “Wat nao man savve duim for hapi and satisfae lo laef?”
-
Wat nao bae iu talem?
MAIN POINT
Jehovah laekem iumi for enjoyim laef for olowe lo earth. Taem iumi worshipim hem lo full heart blo iumi, iumi savve hapi and satisfae distaem tu.
Review
-
Wat nao plan blo Jehovah for Adam and Eve?
-
Hao nao iumi savve plan blo God for iumi olketa man hem no change?
-
Wat nao iu savve duim for hapi and satisfae lo laef?
FAENDAOT MOA
Read abaotem pruv wea showim garden blo Eden stap bifor.
“Garden blo Eden —Kastom Story or Tru Story?” (The Watchtower, January 1, 2011)
Read abaotem why nao iumi sure earth bae no distroe.
Read abaotem samting wea Bible talem wea iu savve duim for mekem iu hapi and satisfae.
“Wat Nao Man Savve Duim for Hapi and Satisfae?” (Article lo jw.org)
Lukim wanfala man wea tingse hem garem evriting, hem faendem samting wea mekem hem hapi.
a Lo leson 26, bae iumi storyim reason why iumi no garem datfala laef distaem.
Iu Laek Lukim Nara Samting?
OLKETA KWESTIN WEA STAKA PIPOL ASKEM
Wat Nao Bible Study Course blo Olketa Jehovah’s Witness?
Disfala Bible study course blo Olketa Jehovah’s Witness hem free nomoa, and iu savve iusim eni Bible transleison wea iu laekem. Iu savve invaetem olketa lo famili or eni fren blo iu for joinim disfala course.
