Iumi evriwan sin, kasem olketa nogud samting, and dae bikos first man and woman, Adam and Eve no obeyim God. a Bat datwan no minim iumi no garem hope nao. Jehovah mekem wei for sevem iumi from sin and dae. Hem sendem kam Son blo hem, Jesus Christ, lo earth for dae for iumi. Bible sei taem Jesus dae hem peim wanfala ransom. Ransom hem wanfala price wea man savve peim for mekem samwan kamap free. Price wea Jesus peim for mekem iumi free hem nao perfect laef blo hem. (Readim Matthew 20:28.) Jesus fit for laef olowe lo earth, bat hem willing for dae for mekem wei for iumi kasem moa evri samting wea Adam and Eve lusim. Jesus showim iumi tu hao hem and Jehovah lovem iumi tumas. Disfala leson bae helpem iu for tinghae lo dae blo Jesus.

1. Hao nao dae blo Jesus savve helpem iumi distaem?

Iumi duim staka samting wea Jehovah no hapi lo hem bikos iumi sin. Bat, sapos iumi barava sorre for olketa sin wea iumi duim, askem Jehovah lo nem blo Jesus for forgivim iumi, and traem best blo iumi for no duim moa olketa mistek hia, iumi savve fren gud witim God. (1 John 2:1) Bible sei: “Christ hem dae wantaem nomoa for sin bilong pipol. Hem man wea raeteous and hem dae for olketa wea no raeteous mekem iufala savve fren bak witim God.”​—1 Peter 3:18.

2. Hao nao dae blo Jesus savve helpem iumi lo future?

Jehovah sendem kam Jesus lo earth for givim perfect laef blo hem for iumi, “mekem evriwan wea showimaot faith long [Jesus] no dae bat kasem laef olowe.” (John 3:16) From samting wea Jesus duim, iumi hapi tumas from klosap nao Jehovah bae finisim evri nogud samting wea kasem iumi from Adam no obey. So sapos iumi showimaot faith lo sakrifaes blo Jesus, bae iumi garem chance for enjoyim laef olowe lo paradaes lo earth!​—Aesaea 65:21-23.

 DIG GO MOA

3. Dae blo Jesus mekem iumi free from sin and dae

1. Adam hem perfect man bat from hem sin, evriwan sin and dae

2. Jesus hem perfect man, and from hem obeyim God iumi garem chance for perfect moa and laef olowe

4. Dae blo Jesus savve sevem evri pipol

 5. Ransom hem present blo Jehovah for iu

Olketa fren blo Jehovah ting lo ransom olsem present blo Jehovah for olketa. Example nao, readim Galatia 2:20, then discussim tugeta disfala kwestin:

• Wat nao aposol Paul talem wea showim hem ting lo datfala ransom olsem present wea God givim for hem?

Taem Adam sin, hem and evri pikinini blo hem kasem judgment for dae. Bat Jehovah sendem kam Son blo hem for dae mekem iu savve garem chance for laef olowe.

Imaginim feeling blo Jehovah taem hem lukim pipol duim staka nogud samting lo Son blo hem. Readim John 19:1-7, 16-18, then discussim tugeta disfala kwestin:

• Hao nao tingting blo iu abaotem samting wea Jehovah and Jesus duim for iu?

 MAIN POINT

From Jesus hem dae for iumi, Jehovah savve forgivim olketa sin blo iumi and iumi garem chance for laef olowe.

Review

• Why nao Jesus hem dae?

• Wat nao iumi kasem from dae blo Jesus, and hao nao ransom wea hem peim hem “price wea semsem”?

• Wat nao gud samting wea iu savve kasem from dae blo Jesus?