LESON 47
Hao, Iu Redi for Baptaes?
Taem iu studyim Bible, iu lanem staka samting abaotem Jehovah. Maet iu changem samfala samting lo laef blo iu for followim wat iu lanem. Nomata olsem, maet samfala samting mekem iu hol bak for dedicate lo Jehovah and baptaes. Disfala leson bae storyim samfala samting wea mekem staka pipol hol bak for baptaes and hao iu savve deal witim datwan.
1. Hao, iu need for savve lo evri samting lo Bible bifor iu baptaes?
Bifor iu baptaes, iu need for kasem “stretfala savve abaotem olketa tru teaching.” (1 Timothy 2:4) Datwan no minim iu mas savve lo evri ansa for olketa kwestin wea maet pipol askem abaotem Bible. Nomata olketa Christian wea baptaes longtaem finis, olketa gohed for lane abaotem Bible. (Colossae 1:9, 10) Bat hem important for savve lo olketa main Bible teaching. So if iu ting iu no savve yet lo samfala samting, askem help lo olketa elder.
2. Wat nao samfala samting wea iu need for duim bifor iu baptaes?
Bifor iu baptaes, iu mas “repent and changem wei bilong [iu].” (Readim Acts 3:19.) Diswan minim iu barava sorre for eni sin wea iu duim bifor and askem Jehovah for forgivim iu. And tu, iu disaed strong for no duim olketa samting wea God no laekem, bat duim wanem God hapi lo hem. Nara samting tu, hem for attendim olketa meeting and for anbaptaes pablisa mekem iu preach witim kongregeson.
3. Why nao iu shud no letem wei for fraet mekem iu hol bak for baptaes?
Samfala fraet nogud olketa no duim wanem olketa promisim lo Jehovah. Hem tru, samfala taem iu savve mekem mistek. Bible tu storyim samfala faithful man and woman wea duim datwan. Bat Jehovah no expectim olketa wea worshipim hem for perfect. (Readim Sams 103:13, 14.) Hem hapi taem iu duim best blo iu! Hem bae helpem iu. Jehovah sei no eni samting “savve stopem iumi for no kasem love bilong [hem].”—Readim Rome 8:38, 39.
DIG GO MOA
Bae iumi storyim hao taem iu savve gud lo Jehovah and acceptim help blo hem, datwan bae helpem iu for deal witim eni samting wea mekem iu hol bak for baptaes.
4. Savve gud lo Jehovah
Iu no need for savve lo evri samting abaotem Jehovah bifor iu baptaes. Bat iu need for savve gud lo hem mekem iu lovem hem and duim samting wea hem hapi lo hem. Pleim VIDEO for lukim hao olketa Bible student duim datwan. Then discussim tugeta disfala kwestin.
-
Olsem iumi lukim lo video, wat nao helpem olketa hia for redi for baptaes?
Readim Rome 12:2, then discussim tugeta olketa kwestin hia:
-
Hao, iu no sure lo olketa samting wea Bible teachim or sapos Olketa Jehovah’s Witness nao teachim truth?
-
If olsem, wat nao iu shud duim?
5. Deal witim olketa samting wea mekem iu hol bak for baptaes
Iumi evriwan savve kasem olketa challenge taem iumi disaed for dedicate lo Jehovah and baptaes. For lukim wanfala example, pleim VIDEO, then discussim tugeta olketa kwestin hia.
-
Olsem iumi lukim lo video, wat nao olketa challenge wea Narangerel mas deal witim mekem hem worshipim Jehovah?
-
Hao nao love blo hem for Jehovah helpem hem for deal witim olketa challenge hia?
Readim Provebs 29:25 and 2 Timothy 1:7, then discussim tugeta disfala kwestin:
-
Wat nao savve helpem iumi for no fraet for deal witim olketa challenge wea iumi kasem?
6. Trustim hao Jehovah bae helpem iu
Jehovah hem evritaem redi for helpem iu. Pleim VIDEO, then discussim tugeta olketa kwestin hia.
-
Olsem iumi lukim lo video, why nao datfala Bible student hol bak for baptaes?
-
Wat nao hem lanem wea helpem hem for barava trustim Jehovah?
Readim Aesaea 41:10, 13, then discussim tugeta disfala kwestin:
-
Why nao iu savve sure bae iu duim wanem iu promisim taem iu dedicate?
7. Gohed for lane abaotem love blo Jehovah
Taem iu gohed for lane abaotem olketa samting wea Jehovah duim wea showim hem lovem iu, bae iu tinghae go moa lo hem, and laek for worshipim hem for olowe. Readim Sams 40:5, then discussim tugeta disfala kwestin:
-
Wat nao olketa blessing wea iu kasem from Jehovah wea iu tinghae tumas lo hem?
Profet Jeremiah lovem Jehovah and toktok blo hem. Jeremiah barava tinghae lo privilege wea hem garem for worshipim Jehovah. Hem sei: “Toktok blo iu hem mekem heart blo mi barava hapi, bikos mi garem nem blo iu, Jehovah God.” (Jeremiah 15:16, NW) Ansarem olketa kwestin hia:
-
Why nao for kamap wanfala Jehovah’s Witness hem spesol privilege?
-
Hao, iu laek for baptaes for kamap wanfala Jehovah’s Witness?
-
Eni samting mekem iu hol bak for baptaes?
-
Wat nao iu need for duim for kasem goal for baptaes?
SAMFALA SAVVE TALEM: “Mi hol bak for baptaes nogud mi no duim evri samting wea mi shud duim.”
-
Hao, iu tu ting olsem?
MAIN POINT
Jehovah bae helpem iu for deal witim eni challenge wea iu kasem taem iu disaed for baptaes.
Review
-
Hao, man need for savve lo evri samting lo Bible bifor hem baptaes?
-
Wat nao samfala samting wea iu need for changem bifor iu baptaes?
-
Why nao iu shud no letem wei for fraet mekem iu hol bak for baptaes?
FAENDAOT MOA
Read abaotem wat nao shud main samting wea mekem iu for baptaes.
Read abaotem hao for deal witim olketa challenge wea savve mekem iu hol bak for baptaes.
Lukim hao wanfala man winim olketa challenge wea hem kasem mekem hem fit for baptaes.
Firstaem Ataa hem hol bak for baptaes. Lukim wat nao helpem hem for baptaes.
Iu Laek Lukim Nara Samting?
OLKETA KWESTIN WEA STAKA PIPOL ASKEM
Wat Nao Bible Study Course blo Olketa Jehovah’s Witness?
Disfala Bible study course blo Olketa Jehovah’s Witness hem free nomoa, and iu savve iusim eni Bible transleison wea iu laekem. Iu savve invaetem olketa lo famili or eni fren blo iu for joinim disfala course.
