LESON 55
Sapotim Kongregeson blo Iu
Evriwea lo world, staka million pipol hapi for worshipim Jehovah lo staka thousand kongregeson. Olketa tinghae lo instruction and direction wea olketa kasem and willing for duim difren waka for sapotim kongregeson. Hao, iu tu ting olsem abaotem kongregeson blo iu?
1. Wat nao iu savve duim for iusim taem and strong blo iu for sapotim kongregeson?
Iumi evriwan savve duim samting for helpem kongregeson. For example, iu savve helpem eni olo lo kongregeson blo iu for go lo olketa meeting, or duim samting olsem for shopping, or klinim haos blo hem. (Readim James 1:27.) Iumi savve volunteer tu for klinim and repairim Kingdom Hall. No eniwan forcem iumi for duim olketa samting hia. From iumi lovem God and olketa brata and sista, datwan mekem iumi “hapi tumas” for duim eni waka lo kongregeson.—Sams 110:3.
Olketa wea baptaes finis savve duim difren waka for sapotim kongregeson. Olketa brata wea kasem olketa mark wea Bible storyim savve ministerial servant or elder for helpem kongregeson. Olketa brata and sista savve pioneer for sapotim preaching waka. Samfala narawan savve help for buildim olketa Kingdom Hall, or muv go lo kongregeson wea needim help.
2. Hao nao iumi savve iusim olketa material samting blo iumi for sapotim kongregeson?
Iumi savve “mekhae long [Jehovah] long wei wea [iumi] givim go fas kaikai from gaden blong [iumi] long hem.” (Provebs 3:9) Hem privilege for givim contribution and olketa nara samting wea iumi garem for sapotim kongregeson and preaching waka evriwea lo world. (Readim 2 Corinth 9:7.) Organization iusim donation for sapotim disaster relief waka tu. Staka disaed for evritaem “keepim lelebet selen” for donation. (Readim 1 Corinth 16:2.) Iumi savve givim donation lo olketa contribution box wea stap lo Kingdom Hall or givim online lo donate.pr418.com. Taem iumi givim donation and olketa nara samting for sapotim kongregeson, datwan showim iumi lovem Jehovah.
DIG GO MOA
Bae iumi storyim samfala samting wea iu savve duim for sapotim kongregeson.
3. Iumi savve givim material samting
Jehovah and Jesus lovem olketa wea hapi for givim samting. For example, Jesus tinghae lo wanfala widow woman wea willing for givim samting lo Jehovah, nomata hem no garem staka selen. Readim Luke 21:1-4, then discussim tugeta olketa kwestin hia:
-
Hao, iumi mas givim staka selen for mekem Jehovah hapi?
-
Hao nao Jehovah and Jesus feel taem iumi willing for givim donation?
Lane abaotem hao organization iusim olketa donation, pleim VIDEO. Then discussim tugeta disfala kwestin.
-
Hao nao organization iusim olketa donation for helpem olketa kongregeson evriwea lo world?
4. Iumi savve volunteer for help
Lo bifor, olketa Israelite waka hard for repairim temple and givim contribution tu. Readim Mektu Kronikols 34:9-11, then discussim tugeta disfala kwestin:
-
Wat nao evri Israelite duim for lukaftarem temple?
For lukim hao Olketa Jehovah’s Witness followim example blo olketa Israelite, pleim VIDEO. Then discussim tugeta olketa kwestin hia.
-
Why nao hem important for klinim Kingdom Hall and duim maintenance?
-
Wat nao samfala samting iu savve duim for help?
5. Olketa brata savve qualify for kasem samfala responsibility moa
Bible encouragem olketa brata for waka hard for kasem samfala responsibility moa for sapotim kongregeson. For lukim example, pleim VIDEO. Then ansarem disfala kwestin.
-
Olsem iumi lukim lo video, wat nao Ryan duim mekem hem kasem samfala responsibility moa for sapotim kongregeson?
Bible storyim qualification for olketa brata wea laek for ministerial servant or elder. Readim 1 Timothy 3:1-13, then discussim tugeta olketa kwestin hia:
ENIWAN MAET ASK: “Wea nao Olketa Jehovah’s Witness kasem selen for waka blo olketa?”
-
Wat nao bae iu talem?
MAIN POINT
Jehovah tinghae lo iumi from iumi iusim taem, strong, and olketa material samting wea iumi garem for sapotim kongregeson.
Review
-
Hao nao iumi savve iusim taem and strong blo iumi for sapotim kongregeson?
-
Hao nao iumi savve iusim olketa material samting wea iumi garem for sapotim kongregeson?
-
Wat nao samfala samting iu laek duim for sapotim kongregeson?
FAENDAOT MOA
Read abaotem why olketa wea worshipim God distaem no givim tithe.
Bible givim samfala waka for olketa man wea baptaes finis. Bat hao if wanfala woman nao mas duim olketa waka hia?
“Hao Kongregeson Waka Anda lo Christ” (Wastaoa, February 2021)
Lukim wat samfala brata duim for transportim olketa pablikeson for olketa brata and sista.
Read abaotem hao mifala kasem selen for sapotim waka blo mifala hem difren from olketa nara religion.
“Hao Nao Olketa Jehovah’s Witness Kasem Selen for Sapotim Waka blo Olketa?” (Article lo jw.org)
Iu Laek Lukim Nara Samting?
OLKETA KWESTIN WEA STAKA PIPOL ASKEM
Wat Nao Bible Study Course blo Olketa Jehovah’s Witness?
Disfala Bible study course blo Olketa Jehovah’s Witness hem free nomoa, and iu savve iusim eni Bible transleison wea iu laekem. Iu savve invaetem olketa lo famili or eni fren blo iu for joinim disfala course.
