Wanem Nao Savve Mekem Famili Hapi?
Waswe, iu tingse hem . . .
-
love?
-
selen?
-
nara samting?
BIBLE HEM SEI
“Olketa wea herem toktok bilong God and obeyim datwan nao olketa hapi!”—Luke 11:28, Niu World Bible, Matthew–Revelation.
GUD SAMTING WEA IU SAVVE KASEM FROM DISWAN
WASWE, IUMI SAVVE TRUSTIM WANEM BIBLE TALEM?
Yes. Tingim tufala reason:
-
God nao startim famili. Bible sei Jehovah God “givim nem long evri famili.” (Ephesus 3:14, 15) Diswan minim Jehovah nao startim famili. Why nao hem gud for iumi savve long diswan?
Tingim disfala example: Sapos wanfala kaikai hem teist naes tumas long iu, bae iu laek savve hao for wakem. Hu nao bae iu askem? Bae iu askem man wea wakem datwan.
Olsem tu, sapos iumi laek savve hao for garem hapi famili, iumi mas kasem advaes from Jehovah wea hem nao startim famili.—Genesis 2:18-24.
-
God hem tingim iu. Olketa famili wea lukaotem advaes from Jehovah insaed long Bible garem gudfala tingting. Why nao olsem? ‘Bikos hem tingim iumi.’ (1 Peter 5:6, 7) Jehovah laekem iu for kasem gud samting, and advaes bilong hem stret evritaem!—Proverbs 3:5, 6; Isaiah 48:17, 18.
SAMTING FOR TINGIM
Wanem nao savve helpem iu for kamap gudfala hasband, waef, dadi, or mami?
Bible ansarem datfala kwestin long EPHESUS 5:1,2 and COLOSSAE 3:18-21.
Iu Laek Lukim Nara Samting?
WEKAP!
Wisdom wea Helpem Famili for Hapi
Wat nao olketa hasband, waef, parents, and pikinini savve duim for enjoyim wanfala hapi famili?
ABAOTEM MIFALA
Why Nao Hem Gud for Studyim Bible?
Plande million pipol raonem world kasem ansa for olketa important kwestin long laef insaed Bible. Waswe, iu tu laek for kasem ansa for olketa kwestin hia?
ABAOTEM MIFALA
Askem Samwan for Visit
Discussim wanfala Bible kwestin, or lanem moa samting abaotem Olketa Jehovah’s Witness.
