PART 9
Wanem Taem Nao Earth Bae Kamap Paradaes?
Olketa trabol wea happen long earth showimaot Kingdom bilong God hem klosap nao for duim samting. Luke 21:10, 11; 2 Timothy 3:1-5
Bible storyim finis staka samting wea happen distaem. Hem sei pipol bae lovem selen, no obeyim mami and dadi, raf, and interest nomoa for enjoyim olketa seleva.
Olketa bigfala earthquake bae sekem olketa ples. Olketa war, bigfala hangre, and staka sik bae kamap tu. Olketa samting hia gohed for happen distaem.
Jesus hem sei olketa bae talemaot gud nius abaotem Kingdom long evri ples long world tu.—Matthew 24:14.
Datfala Kingdom bae finisim evri nogud samting. 2 Peter 3:13
Klosap nao Jehovah bae finisim evri nogud pipol.
Hem bae panisim Satan and olketa demon.
Olketa wea followim samting wea God talem bae no dae, bat olketa bae gohed for laef long wanfala niu world wea evri samting hem raeteous and no eni samting bae mekem olketa fraet. Evriwan bae trustim narawan and lovem olketa evriwan.
Iu Laek Lukim Nara Samting?
OLKETA BUK & BROCHURE
Wanem Nao Kingdom Bilong God?
Taem Jesus stap long earth, olketa samting wea hem duim showimaot wanem Kingdom bae duim.
OLKETA BUK & BROCHURE
Waswe, Wei for Safa Bae Finis?
Bible sei God les for lukim man spoelem narawan, and God hem barava tingim iumi. Waswe, bae iu kasem gud samting from datwan?
