HAO FOR STARTIM STORY
LESON 2
Story Natural
Principle: “Toktok wea man talem lo raet taem, hem gud tumas!”—Prov. 15:23.
Wat Philip Duim
1. Watchim VIDEO, or readim Acts 8:30, 31. Then ting raonem olketa kwestin hia:
Wat Nao Iumi Lanem From Philip?
2. If iumi story lo natural wei, hem bae isi for man wea iumi story witim willing for lisin and feel free for story.
Followim Example blo Philip
3. Garem Wei for Luksavve. Iumi savve lanem staka samting abaotem wanfala man, from lukluk blo feis blo hem and akson blo hem. Hao, datfala man willing for story witim iu? Iu maet startim wanfala story lo Bible taem iu ask, “Iu savve dat . . . ?” No forcem story lo samwan wea no laek story.
4. Patient. No tingse iu mas story abaotem Bible stretawe. Weit for raet taem mekem iu savve startim story lo natural wei. Samfala taem iu mas weit for narataem moa wea iu story witim datfala man.
5. Willing for changem story. Samwan wea iu story witim maet storyim difren topic. So willing for storyim samting wea fitim datfala man, nomata datwan minim iu mas changem story wea iu redyim finis.
