Helpem audience for lukluk gud long olketa seleva. Askem olketa kwestin wea savve mekem audience for ting raonem hao olketa feel abaotem samting.

Encouragem olketa for duim gudfala samting. Helpem olketa wea lisin for ting raonem reason why olketa duim wanem God laekem. Encouragem olketa for duim samting from olketa lovem Jehovah, lovem olketa narawan, and from olketa tinghae long wanem Bible talem. Helpem audience for luksavve olketa wea followim wanem Bible talem bae kasem gud samting. No mekem olketa shame or feel guilty, or feel olsem iu forcem olketa. Bat strongim and encouragem audience for duim best bilong olketa for Jehovah.

Mekhae long Jehovah. Storyim hao olketa teaching, law, and principle long Bible showimaot olketa wei bilong God and showimaot hem lovem iumi. Encouragem audience for evritaem tingim hao samting wea olketa duim savve affectim Jehovah, and for laek mekem Jehovah hapi.