Marit
Marit hem start from wea?
Hu nao wanfala Christian shud chus for maritim?
Why nao wanfala tru Christian no acceptim son or dota blo olketa wea baptaes finis for maritim samwan wea no dedicate lo Jehovah and baptaes?
-
Story lo Bible wea join witim diswan:
-
Ge 24:1-4, 7—Abraham wea olo disaed strong for faendem wanfala waef for son blo hem Isaac from famili wea worshipim Jehovah, and no from olketa Canaanite, wea worshipim olketa difren god
-
Ge 28:1-4—Isaac talem son blo hem Jacob for maritim gele wea servem Jehovah and no wanfala Canaanite woman
-
Hao nao tingting blo Jehovah abaotem servant blo hem wea maritim samwan wea no worshipim hem?
-
Story lo Bible wea join witim diswan:
-
1Ki 11:1-6, 9-11—Jehovah barava kros lo King Solomon bikos hem no obeyim warning blo Jehovah and hem maritim olketa woman from olketa nara ples, and hem letem olketa woman hia for influencim heart blo hem
-
Ne 13:23-27—Governor Nehemiah showimaot wei wea Jehovah barava feel nogud lo pipol blo hem, taem hem disciplinem and stretem olketa wea disobey and wea maritim olketa foreign woman wea no worshipim Jehovah
-
Why nao hem wise for maritim samwan wea faithful for servem Jehovah and wea garem gud reputation?
Lukim tu Eph 5:28-31, 33
-
Story lo Bible wea join witim diswan:
-
1Sa 25:2, 3, 14-17—Nabal hem wanfala rich man, bat hem raf tumas, from datwan hem no wanfala gud hasband for Abigail
-
Pr 21:9—Wei for chusim wanfala marit partner wea no fitim, bae mekem hem hard for iumi hapi and spoelem peace blo iumi
-
Ro 7:2—Aposol Paul explainim taem wanfala woman hem marit, hem mas obeyim hasband blo hem wea no perfect, so wanfala woman wea wise mas careful taem hem chusim samwan for maritim
-
Redi for marit
Why nao wanfala man shud mek sure hem redi for lukaftarem famili bifor hem ting for marit?
-
Story lo Bible wea join witim diswan:
-
Pr 24:27—Bifor wanfala man marit and garem pikinini, hem shud waka hard mekem hem redi for sapotim famili
-
Why nao tufala wea fren shud focus lo wei for kasem wise kaonsel and for savve gud lo each other winim wei for focus nomoa lo lukluk blo tufala?
-
Story lo Bible wea join witim diswan:
-
Ru 2:4-7, 10-12—Boaz savve lo wei blo Ruth bikos hem lukim wei wea hem waka hard, hem herem story abaotem gudfala reputation blo hem, and wei wea hem deal witim famili blo hem and spiritual saed blo hem
-
Ru 2:8, 9, 20—Ruth savve lo wei blo Boaz bikos hem lukim hao hem kaen, willing for give, and lovem Jehovah
-
Why nao Jehovah laekem tufala wea fren and engage mas gohed keepim wei blo tufala klin?
-
Story lo Bible wea join witim diswan:
-
Pr 5:18, 19—Samfala physical wei for showimaot love hem only for olketa couple wea marit nomoa
-
Ca 1:2; 2:6—Taem datfala shepherd boy and Shulammite gele tufala fren, tufala talem olketa toktok wea klin for showimaot tufala lovem each other and no talem olketa toktok wea kosim feeling for laek duim sex
-
Ca 4:12; 8:8-10—Datfala Shulammite gele hem keepim wei blo hem klin and hem showimaot hem kontrolem feeling blo hem. Hem olsem wanfala garden wea garem wall raonem wea lok
-
Why nao wanfala couple mas mekem marit blo tufala for stret followim law blo kantri?
Responsibility blo hasband
Wanem big responsibility nao Jehovah givim lo hasband?
Example blo hu nao wanfala Christian hasband savve followim for kamap hed lo famili?
Why nao hem important for wanfala hasband showimaot wei for luksavve and treatim waef witim wei wea showimaot love?
-
Story lo Bible wea join witim diswan:
-
Ge 21:8-12—Jehovah talem Abraham for lisin lo waef blo hem, nomata Abraham no barava laekem idea blo Sarah
-
Pr 31:10, 11, 16, 28—Wise hasband wea garem gudfala waef, wea olketa verse hia storyim hem no kontrolem or luk for olketa mistek blo waef blo hem, bat hem trustim and praisem hem
-
Eph 5:33—Aposol Paul showimaot hao wanfala waef hem need for feelim love wea hasband blo hem garem for hem
-
Responsibility blo waef
Wanem important assignment nao Jehovah givim lo wanfala waef?
Waswe, waka blo wanfala waef hem samting for ting daonem?
-
Story lo Bible wea join witim diswan:
-
Pr 1:8; 1Co 7:4—Insaed lo marit and lo famili, God givim tu samfala responsibility lo waef or mami
-
1Co 11:3—Aposol Paul explainim hao insaed arrangement blo Jehovah, iumi evriwan mas stap anda lo hedship blo narawan, only God Olmaeti nomoa no need for olsem
-
Heb 13:7, 17—Lo kongregeson, olketa man and woman mas waka tugeta and obeyim olketa wea garem assignment for leadim olketa
-
Hao nao Christian waef blo wanfala hasband wea no biliv savve mekem Jehovah hapi?
Why nao wanfala Christian waef shud gohed showimaot respect lo hasband blo hem?
-
Story lo Bible wea join witim diswan:
-
Ge 18:12; 1Pe 3:5, 6—Sarah barava respectim hasband blo hem, nomata insaed heart blo hem tu, hem savve kolem Abraham “lord,” or ting lo hem olsem spiritual hed
-
Wanem kaen waef nao Bible tinghae lo hem?
-
Story lo Bible wea join witim diswan:
-
Ge 24:62-67—Rebekah helpem hasband blo hem Isaac lo wei for comfortim hem bihaen mami blo Isaac dae
-
1Sa 25:14-24, 32-38—Abigail protectim karangge hasband blo hem and sevem full famili blo hem, taem hem hambol for story witim David
-
Es 4:6-17; 5:1-8; 7:1-6; 8:3-6—Tufala taem nao Queen Esther putim laef blo hem lo danger for go story lo hasband blo hem wea king, for hem protectim pipol blo God
-
Stretem olketa problem
Olketa wanem principle nao savve helpem wanfala couple for stretem olketa problem wea kamap insaed lo marit?
Olketa wanem principle nao savve helpem wanfala couple for garem balance tingting abaotem selen?
Lu 12:15; Php 4:5; 1Ti 6:9, 10; Heb 13:5
Lukim tu “Selen”
Olketa wanem principle nao savve helpem wanfala couple for stretem olketa problem wea savve kamap witim olketa relative and in-law?
Olketa wanem principle nao savve helpem wanfala marit couple saed lo sex?
Why nao hem gud for iu focus lo olketa gudfala wei blo marit partner blo iu winim for tingim nomoa olketa wik point blo hem?
Why nao hem gud for kwiktaem finisim wanfala problem lo wei wea showimaot love winim for keepim kros and no stretem?
Why nao hem no fitim for wanfala Christian garem wei for barava kros, singaot, tok nogud, and talem or duim samting for abusim narawan?
Taem wanfala problem kamap, wat nao goal wea hasband and waef shud garem?
Olketa wanem blessing nao iumi savve kasem taem Jehovah hem faondeson lo marit blo iumi?
Olketa Standard blo Bible Insaed Marit
Wat nao standard blo Jehovah saed lo sex and marit?
Hao nao olketa Christian shud ting lo polygamy or wei for garem tu-thri marit partner lo semtaem?
Hao nao iumi savve dat marit hem for wanfala man and wanfala woman nomoa?
Why nao wanfala marit couple shud stap tugeta evritaem?
Wat nao only reason wea Bible allowim for wanfala Christian savve divorce?
Hao nao Jehovah feel abaotem wei for divorce wea no garem stretfala reason?
Taem marit partner hem dae, waswe, marit partner blo hem wea laef fit for marit moa?
Iu Laek Lukim Nara Samting?
MARIT & FAMILI
Hao for Showimaot Love Long Marit Partner
Hao nao hasband or waef savve showimaot hem barava lovem partner bilong hem? Lukim fofala idea wea kam from olketa principle long Bible.
ABAOTEM MIFALA
Askem Samwan for Visit
Discussim wanfala Bible kwestin, or lanem moa samting abaotem Olketa Jehovah’s Witness.
