Long disfala sekson, bae iumi storyim hao pipol againstim Paul, putim hem long prison, and hao olketa difren bigman bilong Rome herem case bilong hem. Nomata olsem, hem no givap for storyim Kingdom bilong God. Taem iu ting raonem olketa last chapter long buk bilong Acts, tingim disfala kwestin: ‘Hao nao mi savve followim example bilong Paul wea nating fraet and strong for preach?’