APPENDIX
Wanem Nao “Bigfala Babylon”?
DATFALA buk Revelation garem olketa toktok wea garem tokpiksa mining. (Revelation 1:1) Olsem example, hem storyim wanfala woman wea garem nem “Bigfala Babylon” long hed bilong hem. Hem talem hao disfala woman hem sidaon antap long “olketa crowd and nation.” (Revelation 17:
Long Revelation 17:18, hem storyim datfala sem tokpiksa woman and storyim hao hem “datfala big taon wea garem wanfala kingdom ovarem olketa king bilong earth.” Datfala word “taon” showimaot hem wanfala grup pipol wea organize. From disfala “big taon” hem kontrolem “olketa king bilong earth,” masbi datfala woman wea garem nem Bigfala Babylon hem wanfala organization evriwea long world wea garem paoa. Disfala organization hem saed long religion, no bisnis or politik. Lukim wei wea samfala nara scripture long Revelation hem showimaot klia diswan.
Disfala woman wea nem bilong hem Bigfala Babylon hem no samting saed long politik bikos Word bilong God talem hao “olketa king bilong earth,” wea minim olketa samting wea join witim politik, “duim fornication” witim hem. Disfala fornication hem wei wea hem laek frenim tumas and garem agreement witim olketa ruler bilong disfala earth, and hem helpem iumi minim why Bible kolem hem “datfala jury woman wea garem bigfala paoa.”
Hard for Bigfala Babylon hem samting saed long bisnis bikos olketa “bisnisman long earth” bae sorre tumas taem hem distroe. Tru nao, Bible storyim wei wea olketa king and olketa bisnisman lukluk kam long Bigfala Babylon from “farawe.” (Revelation 18:
Nara samting wea showimaot Bigfala Babylon hem samting saed long religion, hem wei wea hem iusim “spiritism” for trikim olketa nation. (Revelation 18:23) From evri wei for duim spiritism hem join witim olketa religion and demon, iumi no sapraes hao Bible kolem Bigfala Babylon “ples wea olketa demon stap.” (Revelation 18:2; Deuteronomy 18:10-