APPENDIX
Wei wea Profesi Bilong Daniel Markem Taem wea Messiah Bae Arrive
DATFALA profet Daniel hem laef winim 500 year bifor Jesus hem born. Nomata olsem, Jehovah givim long Daniel information wea bae mekem iumi fit for savve long year wea Jehovah appointim Jesus olsem Messiah, wea minim Christ. Wanfala angel hem sei olsem long Daniel: “Iu mas savve and minim hao start from taem wea komand hem go aot for buildim moa Jerusalem go kasem Messiah datfala Leader, bae hem sevenfala week, and tu, sixti-tu week.”
For savve long taem wea Messiah hem arrive, firstaem, iumi need for savve long wanem year nao datfala sekson bilong taem wea lead go long Messiah hem start. Disfala profesi talem hao datwan hem “start from taem wea komand hem go aot for buildim moa Jerusalem.” Wanem year nao “datfala komand hem go aot”? Nehemiah, wea hem raetem wanfala buk insaed Bible, talem hao datfala komand for buildim moa olketa wall raonem Jerusalem hem go aot “long mek-twenti year bilong King Artaxerxes.” (Nehemiah 2:
Daniel talem haomas year nao datfala sekson bilong taem wea lead go long taem wea “Messiah wea Leader” bae arrive. Datfala profesi talem “sevenfala week, and tu, sixti-tu week,” wea datwan hem 69 week. So haomas year nao datwan? Samfala Bible showimaot hao diswan hem no olketa week wea garem sevenfala day, bat olketa week bilong sevenfala year. So each week hem minim sevenfala year. Olketa Jew bifor savve gud long disfala wei for tingim olketa week bilong olketa year, wea minim olketa sekson bilong sevenfala year. Olsem example, olketa garem Sabbath year long evri mek-seven year. (Exodus 23:10, 11) So, 69 week hia hem 69 taems 7-fala year, wea datwan hem 483 year.
Sapos iumi kaontem 483 year from 455 B.C.E., iumi kasem year 29 C.E. Datwan nao hem barava year wea Jesus hem baptaes and kamap Messiah! * (Luke 3:
^ par. 2 From 455 B.C.E. go kasem 1 B.C.E. hem 454 year. From 1 B.C.E. go long 1 C.E. hem wanfala year (no eni year hem zero year). And from 1 C.E. go kasem 29 C.E. hem 28 year. Sapos iumi addim tugeta olketa year hia, hem 483 year. Jesus hem dae long 33 C.E., wea datwan hem insaed long mek-70 week bilong olketa year. (Daniel 9:
