IU SAVVE DEAL WITIM STRESS
Taem No Eniwan Bae Stress
Bible garem wisefala toktok wea savve helpem iumi for daonem stress. Bat iumi no savve finisim evri samting wea mekem iumi stress. God nomoa savve duim datwan. And hem chusim Jesus Christ for helpem iumi. Taem Jesus stap lo earth hem duim staka mirakol, and datwan showimaot wanem hem bae duim for evriwan. Olsem example:
JESUS BAE HEALIM SIK PIPOL OLSEM HEM DUIM BIFOR.
“Olketa tekem kam long hem evriwan wea garem enikaen sik . . . , and hem healim evriwan long olketa.”—MATTHEW 4:24.
JESUS BAE PROVAEDEM HAOS AND KAIKAI FOR EVRIWAN.
‘Bae pipol wea Christ rulim bildim haos, an olketa seleva bae stap insaet. An bae no eniwan tekova long olketa haos ya. An bae olketa plantem olketa plantesin long grep, an olketa seleva tu bae dringim waen long hem. Narafala pipol no save kam fo tekem from olketa.’—AESAEA 65:21, 22.
RUL BLO JESUS BAE MEKEM EVRIWAN GAREM PEACE AND STAP GUD.
“Lo datfala taem, olketa wea raeteous bae stap gud, and peace bae no savve finis olsem moon no savve finis. Hem bae rulim pipol from sea go kasem sea and from River go kasem evri ples lo earth. . . . Hem bae finisim olketa enemy blo hem.”—PSALM 72:7-9, NW.
JESUS BAE FINISIM OLKETA SAMTING WEA NO STRET.
‘Hemi sore long olketa wea pua an no strong, an hemi sevem laef blong olketa. Hemi stopem pipol wea mekem olketa safa an wea spoelem olketa.’—SAMS 72:13, 14.
JESUS BAE FINISIM WEI FOR SAFA AND DAE TU.
“No eniwan bae dae and no enitaem bae pipol sorre or krae or feelim pain tu.”—REVELATION 21:4.
