If nomoa, maet iu lukim olketa samting wea pipol duim wea showim olketa heitim narawan. Staka taem iumi herem pipol treatim nogud olketa narawan bikos olketa kam from difren kantri, garem difren kala skin, or bikos olketa homosexual. Datwan mekem staka gavman garem olketa law for prosecutim eniwan wea duim olketa crime olsem.

Staka taem pipol wea kasem nogud samting from wei for heit, olketa tu bae changem nogud samting lo pipol wea heitim olketa. Datwan mekem wei for heit gohed and no savve finis.

Maet iu experiencem dat pipol ting daonem iu, garem wanfala kaen tingting abaotem iu, tok spoelem, and threatenim iu. And staka taem, pipol wea heitim olketa narawan gogo olketa duim olketa nogud samting olsem for bully, distroem property, rape, murder, or killim dae wanfala grup blo pipol tu.

Disfala magasin bae ansarem olketa kwestin hia and storyim wat iumi savve duim for no heitim narawan:

• Why nao pipol heitim tumas narawan?

• Wat nao iumi savve duim for no heitim narawan?

• Hao, enitaem wei for heit bae finis