Waswe, Eni Hope Stap for Olketa wea Dae?
Iumi evriwan savve dae. Bat waswe, man wea dae savve laef moa, or datwan nomoa end lo laef blo hem? Waswe, eni hope stap for olketa wea dae?
TINGIM WANEM BIBLE TALEM:
GOD NO FORGETIM OLKETA WEA DAE
“Evriwan wea stap insaed long grev bae . . . laef bak.”—John 5:28, 29.
God tingim olketa wea dae. Staka wea dae bae laef bak.
PIPOL BAE LAEF BAK LO EARTH
“God bae mekem pipol wea raeteous and pipol wea no raeteous for laef bak.”—Acts 24:15.
Staka billion pipol bae laef bak and garem hope for laef olowe and stap lo peace.
IUMI BARAVA SURE PIPOL BAE LAEF BAK
“Hem kaontem namba blo olketa star. Hem givim nem lo olketa evriwan.”—Psalm 147:4, NW.
From God savve lo nem blo evri star, hem isi for hem rememberim pipol wea bae hem mekem olketa laef bak.
