Wanem Iumi Lanem Abaotem God From Olketa Profet
Lo bifor, God iusim olketa profet for talem olketa important message for iumi olketa man. Wanem nao iumi savve lanem abaotem God from olketa message hia? Bae iumi storyim wanem iumi savve lanem from thrifala faithful profet blo hem.
ABRAHAM
God no fevarem eniwan bat hem laek for blessim evriwan.
God promisim profet Abraham “evri nation lo earth bae kasem blessing bikos lo [hem].”—Genesis 12:3, NW.
Wanem nao iumi lanem? God lovem iumi tumas and laek for blessim evri famili wea obeyim hem. Insaed diswan, hem olketa man, woman, and pikinini.
MOSES
God showimaot mercy and laek for blessim olketa wea traem best for savve lo hem.
Olmaeti God givim paoa lo Moses for duim olketa nambawan mirakol. Nomata olsem, Moses prea and sei: “Plis yu tisim mi olketa wei blong yu, mekem mi savegud long yu . . . an mi save gohed fo mekem yu hapi long mi.” (Eksodas 33:13) God hapi lo wanem Moses askem and helpem hem for savve gud and minim olketa wei blo Hem. Olsem example, Moses lanem hao Creator ‘save sore long pipol, an kaen tumas long olketa.’—Eksodas 34:6, 7.
Wanem nao iumi lanem? God laek for blessim iumi evriwan sapos iumi traem best for savve gud lo hem. Insaed diswan, hem olketa man, woman, and olketa pikinini. Lo olketa Holy Raeting, hem talem iumi hao for worshipim hem and hao hem barava laek for blessim iumi.
JESUS
Jesus kaen tumas and healim enikaen sik
Iumi savve kasem blessing from God sapos iumi lane abaotem Jesus, and wanem hem duim and teachim.
Olketa Holy Raeting storyim staka samting abaotem laef blo Jesus and olketa teaching blo hem. God givim paoa lo Jesus for duim olketa nambawan mirakol, olsem for healim olketa wea blind, earpas, and kripol. Hem mekem olketa wea dae finis tu for laef bak. So wanem Jesus duim showimaot olketa blessing wea God bae givim lo iumi olketa man lo future. Hem storyim wanem each wan lo iumi savve duim for kasem olketa blessing hia: “For olketa kasem laef olowe, olketa mas lane abaotem iu, wea iu nomoa trufala God, and lane abaotem Jesus Christ, wea iu sendem kam.”—John 17:3.
Jesus sorre and kaen lo pipol. Olketa man and woman, olketa young wan and olo, acceptim disfala invitation blo hem: “Lane from mi, bikos mi no savve raf and mi hambol. Wei for duim olsem bae strongim iufala.” (Matthew 11:29) Jesus no olsem olketa narawan lo taem blo hem wea ting daonem olketa woman, bat hem respectim and kaen lo olketa.
Wanem nao iumi lanem? Jesus barava lovem pipol and showimaot nambawan example lo hao for deal witim olketa narawan.
JESUS HEM NO GOD
Olketa Holy Raeting sei “wanfala tru God nomoa hem stap” and Jesus Christ hem man for talemaot message blo God. (1 Corinth 8:6) Jesus talem stret hao God winim hem and God nao sendem hem kam lo earth.—John 11:41, 42; 14:28. *
^ par. 17 For savve moa abaotem Jesus Christ, lukim sekson 8 and 9 blo brochure Real Faith—Your Key to a Happy Life wea stap lo www.pr418.com.
