SAMFALA TINGSE man nomoa startim religion. Olketa narawan tingse God iusim religion for mekem pipol savve fren witim hem. Hao nao tingting bilong iu abaotem datwan?

BIBLE HEM SEI

“Wanfala wei for worship [religion] hem stap wea hem klin and stret long tingting bilong God wea hem Dadi bilong iumi.” (James 1:27) Trufala religion hem kam from God.

WANEM NAO OLKETA NARA SAMTING WEA IUMI SAVVE LANEM FROM BIBLE?

• Religion wea God hapi long hem mas followim olketa tru teaching long Bible.—John 4:23, 24.

• Olketa religion wea followim tingting bilong olketa man hem iusles nomoa. —Mark 7:7, 8.

WANEM NAO TINGTING BILONG IU?

• Yes

• Nomoa

• Maet olsem

BIBLE HEM SEI

“Iumi mas barava tingim narawan mekem iumi savve encouragem olketa for showimaot love and duim olketa gudfala samting. No misstim wei for hipap tugeta.” (Hebrew 10:24, 25) God laekem olketa wea worshipim hem for organize and hipap tugeta.

WANEM NAO OLKETA NARA SAMTING WEA IUMI SAVVE LANEM FROM BIBLE?

• Olketa wea worshipim God tugeta shud bilivim sem samting.—1 Corinth 1:10, 11.

• Olketa member bilong religion wea God hapi long hem garem wan mind evriwea long world.—1 Peter 2:17.