KAVA SUBJECT | BIBLE STAP KAM KASEM DISTAEM
Why Nao Bible Stap Kam Kasem Distaem?
Bible hem stap kam kasem distaem. Dastawe iu savve kasem and readim Bible distaem. Taem iu chusim Bible wea olketa transleitim long gudfala wei, iu savve sure iu readim Bible wea hem barava stret. * Bat why nao Bible hem stap kam kasem distaem nomata pipol againstim Bible, kaen pepa wea olketa iusim savve rotten, or pipol trae for changem message insaed long Bible? Why nao Bible hem barava spesol buk?
“Distaem mi luksavve Bible hem present from God”
Staka pipol wea studyim Bible agree long wanem aposol Paul talem, wea sei: “Evri toktok insaed long olketa Holy Raeting hem kam from God.” (2 Timothy 3:16) Olketa sure Bible hem stap kam kasem distaem bikos hem toktok bilong God and God nao protectim Bible. Faizal, wea iumi storyim finis, hem disaed for studyim Bible for faendaot sapos olketa samting hia hem tru or nomoa. Wanem hem lanem mekem hem sapraes fogud. Hem luksavve staka samting wea olketa religion teachim hem no kam from Bible. And tu, hem barava hapi for lane abaotem plan bilong God for disfala earth.
Faizal hem sei: “Distaem mi luksavve Bible hem present from God. God nao wakem universe, so hem no hard for hem givim iumi wanfala buk and for hem protectim datwan. Sapos iumi sei hem hard tumas for God duim datwan, hem olsem iumi sei paoa bilong Olmaeti God hem smol tumas!”—Isaiah 40:8.
^ par. 3 Lukim article “How Can You Choose a Good Bible Translation?” long The Watchtower bilong May 1, 2008.
Iu Laek Lukim Nara Samting?
WASTAOA
Why Nao Hem Gud for Minim Bible?
Staka pipol tinghae long Bible bat olketa no savve hao nao Bible savve helpem olketa.
ESSENTIAL BIBLE TEACHINGS
Hao Nao Iumi Savve Sure Bible Hem Kam From God?
Sapos God nao givim kam Bible, bae hem barava difren from olketa nara buk.
OLKETA DOCUMENTARY
‘Gud Nius Long Evri Kantri, Tribe, and Languis’
For helpem staka pipol moa for lanem truth insaed Bible, hem important for duim transleison wea stret. Hao nao olketa savve duim disfala waka? Wanem nao samfala hard samting wea olketa translator kasem?
