Taem iumi readim Bible, iumi savve iusim olketa difren study tul for helpem iumi understandim wat iumi readim. Bat iumi no laek study for increasim nomoa knowledge blo iumi abaotem Bible. Iumi laek for faendaot moa abaotem olketa wei blo Jehovah and datwan bae strongim love blo iumi for hem. For duim diswan, hem gud for askem iumiseleva: ‘Wat nao disfala story teachim mi abaotem Jehovah?’

For example, hem gud for iumi faendem moa pruv wea showim hao Jehovah garem love, wisdom, justice, and paoa. Bat iu savve lane abaotem olketa nara naesfala wei blo Jehovah tu. Wea nao iu savve faendem moa information abaotem olketa wei blo hem?

Reviewim list wea garem winim nara 50-fala wei blo Jehovah lo Watch Tower Publications Index anda lo heding “Jehovah” and then subheding “Qualities by Name.” Duim research lo olketa wei blo Jehovah wea connect witim story lo Bible wea iu readim. (If iu garem access only lo Research Index for Olketa Jehovah’s Witness, luk anda lo heding “Jehovah God” and then subheding “Olketa Wei blo Jehovah.”)