Readim Judges 11:​30-40 and lane from example blo Jephthah and dota blo hem abaotem hao for keepim promis.

Lukluk lo context blo story. Hao nao olketa faithful Israelite ting lo wei for keepim promis blo olketa lo Jehovah? (Num. 30:2) Wat nao Jephthah and dota blo hem duim wea showim tufala garem faith lo Jehovah?—Judg. 11:​9-11, 19-24, 36.

Duim samfala research moa. Wat nao maet Jephthah tingim taem hem mekem datfala promis? (w16.04 7 ¶12) Wat nao samfala samting wea Jephthah and dota blo hem mas sakrifaesim for keepim datfala promis? (w16.04 7-8 ¶14-16) Wat nao samfala important promis wea olketa Christian distaem mekem?—w17.04 5-8 ¶10-19.

Luksavve lo wat nao leson. Askem iuseleva:

• ‘Wat nao savve helpem mi for keepim dedication promis blo mi?’ (w20.03 13 ¶20)

• ‘Wat nao samfala samting wea mi savve sakrifaesim for mekem mi duim best blo mi for servem Jehovah?’

• ‘Wat nao mi savve duim for keepim promis blo mi lo marit partner blo mi?’ (Matt. 19:​5, 6; Eph. 5:​28-33)