WASTAOA—STUDY MAGASIN February 2017
Disfala magasin garem olketa study for April 3-30, 2017.
Plan Bilong Jehovah Bae Kamap Tru!
Wanem nao plan bilong God for earth and olketa man? Why nao hem kamap tru distaem? Why nao ransom sakrifaes bilong Jesus openem wei for plan bilong God kamap tru?
Ransom Hem “Perfect Present” From Dadi Bilong Iumi
Disfala arrangement bilong God openem wei for kasem staka nambawan blessing, and hem ansarem olketa important kwestin wea affectim evriwan long heven and earth.
LAEF STORY
God Hem Kaen Tumas Long Mifala Long Staka Difren Wei
Douglas and Mary Guest luksavve God hem kaen tumas long tufala taem tufala pioneer long Canada, duim missionary waka long Brazil and Portugal.
Jehovah Nao Leadim Pipol Bilong Hem
Long bifor, Jehovah markem olketa man for leadim pipol bilong hem. Hao nao iumi sure God iusim olketa hia for leadim pipol bilong hem?
Hu Nao Leadim Pipol Bilong God Distaem?
Jesus sei hem bae stap witim olketa follower bilong hem go kasem taem world hem finis. Hao nao hem leadim pipol bilong God distaem?
Kwestin From Reader
Aposol Paul sei God ‘bae no letem samting for switim iufala wea iufala no fit for winim.’ Waswe, datwan minim Jehovah luksavve finis long wanem kaen hard taem nao iumi fit for winim, and then hem chusim which test nao bae kasem iumi?
HISTORY BLO IUMI
“Nomata Hem Hard, or Hem Farawe,” Mifala Bae Go
Olketa year bifor 1930 and olketa year bihaen datwan, olketa pioneer strong for talemaot gud nius abaotem Kingdom long midol long Australia.