Iumi evriwan savve hipap tugeta for worshipim Jehovah lo olketa meeting, assembly, and convention bat each wan or each famili savve duim datwan seleva tu. Diswan hem samfala idea for iu duim lo personal study and famili worship blo iu:

• Prepare for olketa kongregeson meeting. Iufala savve practicem olketa song and helpem evriwan lo famili for preparem wanfala koment.

• Readim wanfala story lo Bible. Afta, drawim wanfala piksa abaotem datfala story or raetem samting wea iu lanem from story hia.

• Read abaotem wanfala prea wea stap lo Bible, and discussim hao hem savve helpem iu for impruvim olketa prea blo iu.

• Watchim wanfala video lo jw.org and then discussim witim olketa narawan or raetem wanfala paragraf abaotem.

• Prepare for ministry, then practicem hao for preach lo narawan.

• Lukluk lo creation and ting raonem or discussim wat hem teachim iu abaotem Jehovah. a