WASTAOA—STUDY MAGASIN June 2020
Disfala magasin garem olketa study article for August 3-30, 2020.
“Mifala Laekem Nem Bilong Iu for Holy”
Study article 23: August 3-9, 2020. Wanfala big problem kamap wea affectim evri man and angel. Wanem nao datwan? Why nao datfala problem hem big samting tumas, and hao nao iumi tu insaed datwan? Ansa blo olketa kwestin hia and olketa nara kwestin wea kamap, bae helpem iumi for strongim wei wea iumi fren witim Jehovah.
“Mekem Full Heart blo Mi for Fraet lo Nem blo Iu”
Study article 24: August 10-16, 2020. Lo disfala study article, main samting wea iumi bae storyim, hem samfala toktok lo prea blo King David wea stap lo Psalm 86:11, 12. Wanem nao hem minim for fraet lo nem blo Jehovah? Why nao iumi shud barava respectim datfala nambawan nem? And hao nao wei for fraet lo God savve protectim iumi for no foldaon lo temptation?
Kwestin From Reader
Waswe, olketa fasin wea Galatia 5:22, 23 storyim, hem nomoa olketa wei blo holy spirit?
‘Bae Miseleva Nao Lukaotem Olketa Sheepsheep blo Mi’
Study article 25: August 17-23, 2020. Why nao samfala wea faithful for servem Jehovah for staka year finis olketa isisi lusim kongregeson? Hao nao God ting lo olketa? Disfala study article bae ansarem olketa kwestin hia. And tu, bae iumi storyim wanem iumi savve lanem from wei wea Jehovah helpem samfala lo Bible wea start for isisi go difren from hem.
“Kambaek Long Mi”
Study article 26: August 24-30, 2020. Jehovah laekem olketa wea lusim kongregeson for kam bak lo hem. Iumi savve duim staka samting for encouragem olketa wea laek for acceptim invitation blo Jehovah wea sei: “Kambaek long mi.” Lo disfala study article, bae iumi story raonem hao iumi savve helpem olketa for duim datwan.
