Parents garem big responsibility for teachim pikinini blo olketa abaotem Jehovah. (Eph. 6:4) For helpem parents, organization blo Jehovah pablisim staka article, video, and olketa song. Hao nao iu savve iusim olketa samting hia for trainim pikinini blo iu?

• Faendem olketa material wea available. Lo JW.ORG, iu savve faendem evri item wea organization pablisim for olketa young pipol, includim olketa video and olketa worksheet wea olketa savve raet or draw insaed. a For faendem, typem “Olketa Pikinini” or “Olketa Teenager” lo search box.

• Selectim item wea fitim pikinini blo iu. Olketa samting wea stap anda lo sekson “Olketa Pikinini” bae helpem iu for selectim olketa activity wea fitim pikinini blo iu. For faendem, search for “Olketa Famili Worship Project.”

• Spendem taem witim olketa pikinini. Avoidim attitude for letem olketa pikinini watch video or duim olketa activity just for olketa busy lo hem nomoa. Bat discussim information hia witim pikinini blo iu and helpem hem for fren klos witim Jehovah.