WASTAOA No. 4 2017 | Wanem Nao Bible Teachim Abaotem Laef and Dae?
HAO NAO TINGTING BILONG IU?
Waswe, dae hem will bilong God for iumi olketa man? Bible sei: ‘God bae draem evri tias long eye bilong olketa and no eniwan bae dae.’—Revelation 21:4.
Disfala Wastaoa magasin storyim wanem Bible teachim abaotem laef and dae.
KAVA SUBJECT
Subject wea Mekem Pipol Konfius
From pipol garem enikaen tingting abaotem laef and dae, waswe, iumi savve faendem truth abaotem disfala subject long eni ples, or from eniwan?
KAVA SUBJECT
Wanem Bible Teachim Abaotem Laef and Dae
Waswe, eni part long iumi hem gohed for laef bihaen iumi dae? Waswe, iumi garem soul wea no savve dae? Olketa wea dae go long wea?
Taem Famili Member Sik Big Fogud
Wanem nao olketa long famili savve duim for comfortim and lukaftarem famili member wea sik big? Hao nao olketa long famili savve deal witim olketa difren feeling wea olketa garem taem olketa lukaftarem famili member wea sik?
Elias Hutter Transleitim Olketa Nambawan Hebrew Bible
Elias Hutter, wanfala savveman wea laef long mek-16 century, pablisim tufala Hebrew Bible wea barava nambawan.
Barava Smol Leta Bilong Hebrew Alphabet Strongim Faith
Why nao Jesus story abaotem barava smolfala leta bilong Hebrew alphabet?
Earth Hem Paradaes—Dream Nomoa or Tru Samting?
History showimaot pipol interest tumas long story abaotem paradaes long Eden. Waswe, enitaem bae earth hem kamap paradaes moa olsem long Eden?
Wanem Nao Bible Talem?
Samfala tingse wei for wari hem normal samting long laef. Waswe, enitaem bae iumi no wari nao?
