WEKAP! No. 2 2019 | Sixfala Important Leson for Teachim Pikinini
Sixfala Important Leson for Teachim Pikinini
Taem pikinini bilong iu big, hao nao iu laekem pipol for ting long hem?
Kontrolem seleva
Hambol
No givap
Man for waka
Mature
Honest
Pikinini no savve lanem diswan seleva. Olketa needim direction from parents.
Disfala magasin bae storyim sixfala important leson for iu teachim pikinini. Diswan bae helpem pikinini for kamap gudfala man.
Hem Gud for Kontrolem Seleva
Why nao hem important for kontrolem seleva, and hao nao iu savve lane for duim datwan?
Hao for Hambol
Sapos iu teachim pikinini bilong iu for hambol datwan bae helpem hem distaem and long future.
Hao for No Givap
Olketa pikinini wea lane for no givap savve deal witim olketa hard samting wea happen long laef.
Kamap Man for Waka
Wanem taem nao parents shud teachim pikinini for duim waka long haos? Taem hem smol or taem hem big?
Acceptim Advaes From Olketa Mature Wan
Wea nao olketa pikinini savve kasem advaes and help long laef?
Garem Gudfala Wei
Sapos iu teachim pikinini bilong iu for garem gudfala wei, datwan bae helpem hem long future.
Moa Information for Parents
Parents tu needim advaes from Bible for helpem olketa. For moa information, go long jw.org.