2 Waswe, Iumi Safa From Nogud Samting wea Iumi Nao Duim?
Why Iumi Need for Savve
Sapos wanem pipol duim nao mekem iumi safa, then maet pipol fit for changem datwan.
Samting for Tingim
Samfala samting wea pipol duim wea mekem iumi safa:
-
Raf Tumas.
World Health Organization (WHO) sei lo wanfala lo evri fofala pipol samwan raf lo olketa taem olketa smol, and lo wanfala lo thrifala woman samwan raf lo olketa or spoelem olketa saed lo sex (or tufala evriwan) samtaem lo laef blo olketa.
-
Killim Man Dae.
Disfala pablikeson World Health Statistics 2018, wea WHO pablisim sei: “Lo 2016, total namba blo pipol lo world wea samwan killim dae hem 477,000.” And tu, total namba blo pipol wea dae lo war or bigfala faet lo datfala year, hem samting olsem 180,000.
-
Sik.
Lo wanfala article lo National Geographic magasin, Fran Smith sei winim wan billion pipol smoke and datwan kosim staka pipol for dae from heart hem nogud, stroke, short wind, and cancer lo lung.
-
No Garem Gudfala Living.
Wanfala woman wea studyim living blo pipol, Jay Watts sei: “Staka pipol safa bikos olketa poor, kasem hard taem from olketa no garem staka samting, pipol ting daonem olketa bikos olketa from difren ples or from hem woman or refugee, or maet from samwan jealous lo olketa.”
LANEM MOA SAMTING
Lukim video Why Nao God Wakem Earth? lo jw.org.
Ansa From Bible
Staka taem pipol safa bikos lo samting wea olketa seleva duim.
Pipol savve safa bikos gavman mekem laef blo pipol hard tumas nomata olketa sei olketa tingim pipol blo olketa.
“Pipol i bosim olketa narafala pipol, so olketa safa.”—EKLESIASTES 8:9.
Samting wea savve helpem iumi.
Olketa Bible principle savve helpem iumi for healthy and stap gud witim olketa narawan.
“Man hemi hapi, laef hemi helti. Man hemi filnogud, laef hemi bagarap.”—PROVEBS 17:22.
“Lusim kaen wei for feel nogud and laek pei bak. Lusim tu, wei for kros, singaot, tok nogud, and evri samting wea savve spoelem narawan.” —EPHESUS 4:31.
