Wanem for Teachim Long Pikinini

“Evri toktok insaed long olketa Holy Raeting hem kam from God. Hem savve teachim man, stretem evri samting, and stretem tu tingting bilong man followim olketa raeteous mark bilong God.”—2 TIMOTHY 3:16.

HEM important for teachim pikinini tru samting abaotem God. Wanem buk nao mami and dadi savve iusim for teachim pikinini? Hem nao Bible.

Bible hem olsem wanfala leta wea God raetem for iumi. Long datfala leta, God talem iumi olketa wei bilong hem. Hem talem wanem hem stret and no stret long iumi evriwan, nomata iumi young or olo. Iumi bae storyim samfala teaching long Bible and wanem olketa pikinini savve lanem.

 Hem tru, Bible savve helpem olketa pikinini for garem olketa gudfala wei hia. Bat hu nao shud teachim olketa pikinini abaotem olketa samting hia?

Wanem Bible talem iumi abaotem God

◼ Wanem Bible talem: “Iu, wea nem bilong iu nao Jehovah, iu nomoa Barava Haefala God long full earth.”—Psalm 83:18.

Wanem iumi lanem: God hem stap and hem garem nem.

◼ Wanem Bible talem: “Jehovah hem lukluk gud insaed heart bilong evri man, and hem savve long tingting bilong olketa. Sapos iu lukaotem hem, hem bae letem iu for faendem hem.”—1 Chronicles 28:9.

Wanem iumi lanem: Jehovah God tingim iumi wanwan, nomata olketa smol pikinini tu. (Psalm 10:14; 146:9) Hem laekem iumi for lane abaotem hem.

◼ Wanem Bible talem: “Iufala pipol mas no mekem eni . . . boy wea no garem dadi safa. Sapos iu mekem hem safa, then sapos hem singaot long mi, bae mi herem singaot bilong hem.”—Exodus 22:22-24.

Wanem iumi lanem: Jehovah herem tu prea bilong olketa pikinini. Iumi savve talem evri tingting and feeling bilong iumi long God.

◼ Wanem Bible talem: “Plande taem olketa testim God, and olketa mekem Holy Wan bilong Israel sorre.”—Psalms 78:41.

Wanem iumi lanem: Wanem iumi talem and duim savve mekem Jehovah hapi or nomoa, so iumi shud tingting firstaem bifor iumi talem and duim eni samting.

 Iumi shud ting hao long difren kaen pipol?

◼ Wanem Bible talem: “God hem no favorim eniwan. Long evri kantri long world, sapos man worshipim God and duim samting wea stret, God bae hapi long hem.”—Acts 10:34, 35.

Wanem iumi lanem: God hapi long evri difren kaen pipol, so iumi shud no ting daonem olketa narawan bikos olketa garem difren kala skin or lukluk bilong olketa difren from iumi.

◼ Wanem Bible talem: “Iufala mas redi evritaem for ansarem eniwan wea askem kwestin abaotem hope bilong iufala. Taem iufala duim olsem, iufala mas hambol and showimaot bigfala respect.”—1 Peter 3:15.

Wanem iumi lanem: Iumi shud showimaot iumi bilivim wanem iumi storyim abaotem God, bat iumi shud no tok raf. Iumi shud respectim tu olketa wea garem difren religion.

Hao nao iumi shud treatim olketa narawan long famili?

◼ Wanem Bible talem: “Iufala olketa pikinini mas evritaem obeyim dadi and mami bilong iufala, bikos diswan hem mekem Lord for barava hapi.”—Colossians 3:20.

Wanem iumi lanem: Olketa pikinini wea obeyim dadi and mami showimaot olketa lovem tufala and olketa laek tu for mekem God hapi.

◼ Wanem Bible talem: “Nomata sapos eniwan long iufala hem feel nogud long narawan, hem mas no kros bat mas evritaem forgivim hem. Iufala mas olsem Jehovah wea hem willing for forgivim iufala.”—Colossians 3:13.

Wanem iumi lanem: Samfala taem olketa narawan and olketa long famili tu savve mekem iumi feel nogud. Iumi mas forgivim olketa sapos iumi laekem God for forgivim iumi.—Matthew 6:14, 15.

Iumi mas kaen and honest

◼ Wanem Bible talem: “From iufala lusim nao wei for laea, iufala mas talem tru samting long narawan.”—Ephesians 4:25.

Wanem iumi lanem: Iumi followim wei bilong God taem iumi talem tru samting and datwan mekem hem hapi. Sapos hem wei bilong iumi for laea evritaem, iumi followim wei bilong Devil, wea hem “dadi bilong wei for laea.”—John 8:44; Titus 1:2.

◼ Wanem Bible talem: “Treatim olketa narawan long sem wei wea iu laekem olketa for treatim iu.”—Matthew 7:12, “Contemporary English Version.”

Wanem iumi lanem: Iumi shud tingim feeling, tingting, and need bilong olketa long famili and olketa narawan long ples wea iumi stap. Taem iumi “sorre witim olketa wea safa,” olketa tu bae kaen long iumi.—1 Peter 3:8; Luke 6:38.

Hem tru, Bible savve helpem olketa pikinini for garem olketa gudfala wei hia. Bat hu nao shud teachim olketa pikinini abaotem olketa samting hia?