Hao for duim: Duim disfala project long ples wea kwaet. Taem iu readim olketa scripture, tingim olsem iu long there. Lukim olketa samting wea happen. Herem olketa wea story and minim feeling bilong olketa.

1 TING RAONEM SAMTING WEA HAPPEN.—READIM GENESIS 6:1-6 AND ACTS 19:11-20.

Iu tingse olketa Nephilim, wea hem nao olketa pikinini bilong olketa bighed angel, olketa luk hao?

․․․․․

Long tingting bilong iu, taem iu readim Acts 19:13-16, hao nao olketa man feel bihaen wanfala demon faetem olketa?

․․․․․

2 DUIM RESEARCH.

Duim research long olketa buk wea iu garem for savve moa abaotem olketa Nephilim. Long tingting bilong iu, why nao olketa raf fogud?

․․․․․

Wanem nao hem minim taem Bible sei olketa demon “lusim ples wea olketa shud stap”? (Readim Jude 6.) Why nao iu tingse hem no stret for olketa bighed angel maritim olketa woman long earth?

․․․․․

Tufala story hia teachim iu wanem samting abaotem wei wea olketa demon laekem tumas sex and raf fasin?

․․․․․

  3 FOLLOWIM SAMTING WEA IU LANEM. RAETEM WANEM IU LANEM ABAOTEM . . .

Hao olketa demon raf and tingim olketa seleva nomoa.

․․․․․

NARA WEI FOR FOLLOWIM WANEM IU LANEM.

From olketa demon no savve change for luk olsem man moa, wanem nao maet olketa duim for trae spoelem iu?

․․․․․

Olketa wanem kaen hapitaem nao mekhae long wei bilong olketa demon and samting wea olketa laekem?

․․․․․

Wanem nao iu savve duim for showimaot iu disaed strong for againstim olketa demon? (Readim moa Acts 19:18, 19.)

․․․․․

4 LONG TUFALA STORY HIA, WANEM NAO IU INTEREST TUMAS LONG HEM, AND WHY NAO OLSEM?

․․․․․

Sapos iu no garem Bible, askem Olketa Jehovah’s Witness for wanfala Bible or readim long Internet www.watchtower.org