KAVA SUBJECT | IU SAVVE FREN GUD WITIM GOD
There Is No Better Way of Life
Wanem nao iu savve duim for fren gud witim God? Iumi storyim finis thrifala samting hia wea iu savve duim mekem iu fren gud witim hem:
-
Savve long nem bilong God hem Jehovah and iusim datfala nem.
-
Prea long God and letem hem story long iu long wei for studyim Bible.
-
Duim olketa samting wea mekem Jehovah hapi.
Fren gud witim God long wei for iusim nem bilong hem, prea long hem, studyim Bible, and duim olketa samting wea mekem hem hapi
Waswe, iu duim olketa samting hia, or iu laek for kamap gud long eni samting hia mekem iu fren gud witim God? Man mas waka hard for duim olketa samting hia, bat tingim wanem savve kamaot from datwan.
Jennifer wea stap long United States hem sei: “Evri samting wea mi duim for fren gud witim God hem no hard waka nating bikos mi kasem staka gud samting from datwan. Mi barava trustim God, mi minim gud olketa wei bilong hem, and mi barava lovem hem. Hem nambawan samting for fren witim God!”
Sapos iu laek for fren gud witim God, Olketa Jehovah’s Witness bae laek for helpem iu. Olketa savve studyim Bible witim iu, and hem free nomoa. And tu, iu savve go long olketa meeting bilong olketa long Kingdom Hall wea iu bae meetim pipol wea fren gud witim God. * Sapos iu duim olsem, iu tu bae agree witim wanem man wea raetem disfala psalm hem talem: “Taem mi fren gud witim God, mi kasem gud samting.”—Psalm 73:28.
^ par. 9 Sapos iu laek for studyim Bible or savve wea nao Kingdom Hall wea stap klosap long iu, story witim man wea givim iu disfala magasin or go long Web site bilong mifala, www.pr418.com, and lukim heding CONTACTIM MIFALA long botom bilong page.
Iu Laek Lukim Nara Samting?
OLKETA KWESTIN WEA STAKA PIPOL ASKEM
Wat Nao Bible Study Course blo Olketa Jehovah’s Witness?
Disfala Bible study course blo Olketa Jehovah’s Witness hem free nomoa, and iu savve iusim eni Bible transleison wea iu laekem. Iu savve invaetem olketa lo famili or eni fren blo iu for joinim disfala course.
