KAVA SUBJECT | IU SAVVE FREN GUD WITIM GOD
Do You Feel Close to God?
“Bikos God hem fren bilong mi, mi hapi, mi savve hem bae protectim mi, and laef bilong mi hem stedy. Mi feel olsem hem luksavve long wanem mi needim.”—CHRISTOPHER, WANFALA YOUNG MAN LONG GHANA.
“Mi savve God lovem and tingim mi taem mi sorre and feel nogud.”—HANNAH, WANFALA GELE WEA HEM 13 YEAR, WEA STAP LONG ALASKA, U.S.A.
“Wei for fren gud witim God mekem mi barava hapi!—GINA, WOMAN FROM JAMAICA WEA HEM SAMTING OLSEM 45 YEAR.
Hem no Christopher, Hannah, and Gina nomoa wea fren witim God. Staka pipol evriwea long world fren witim God. Waswe long iu? Waswe, God hem fren bilong iu tu? Sapos iu no fren witim hem yet, waswe, iu laek for fren witim hem? Maet iu ting olsem: ‘Waswe, God wea hem olmaeti bae laek for fren witim wanfala man nating? And sapos God laekem datwan, wanem nao man need for duim for fren witim hem?’
IU SAVVE FREN GUD WITIM GOD
Samting wea Bible talem showimaot man savve fren gud witim God. Bible hem sei Abraham hem ‘fren bilong God.’ (Isaiah 41:8) Nara samting tu, James 4:8 hem storyim God hem laekem iumi for ‘fren gud witim hem and bae hem fren gud witim iumi.’ Bat from no eniwan savve lukim God, hao nao iu savve “fren gud witim hem”?
Iumi savve ansarem datfala kwestin taem iumi tingim samting wea tufala man duim for kamap gudfala fren. Firstaem, tufala mas savve long nem bilong tufala. Then, taem tufala story tugeta and talemaot tingting and feeling bilong tufala, tufala start for fren nao. And then, taem tufala duim olketa samting for tufala, tufala bae fren gud tugeta. Wei for fren gud witim God hem olsem tu. Hao nao olsem? Bae iumi readim long olketa nara article.
Iu Laek Lukim Nara Samting?
WASTAOA
Do You Know and Use God’s Name?
God has, in effect, introduced himself to us by saying: “I am Jehovah. That is my name.”
