Hem wei bilong man for laek stap gud witim olketa narawan, for honest, and kaen long pipol. Bat why nao staka pipol raf tumas, duim olketa samting wea no stret, and spoelem olketa narawan? Iumi herem staka nogud nius abaotem olketa samting hia wea happen. Hu nao bihaenem diswan?—Readim 1 John 5:19.

Waswe, God wakem olketa man for garem olketa nogud wei olsem? Nomoa. Jehovah God wakem olketa for olsem hem long wei for showimaot love. (Genesis 1:27; Job 34:10) Bat God letem olketa seleva for disaedem wanem olketa laek for duim. Taem Adam and Eve disaed for duim samting wea no stret, tufala no followim example bilong God for showimaot love. Tufala sin and lusim wei for perfect. Iumi kasem sin from tufala, dastawe iumi savve laek for duim olketa nogud samting.—Readim Deuteronomy 32:4, 5.

God laekem iumi for waka hard for againstim feeling for laek duim olketa nogud samting. (Proverbs 27:11) So hem teachim iumi hao for no duim datwan and hao for iumi hapi. Bat distaem iumi no savve barava showimaot love olsem God bikos iumi no perfect.—Readim Psalm 32:8.

Nomata plande pipol duim olketa nogud samting distaem, God letem datwan for gohed mekem evriwan luksavve long nogud samting wea kamaot from datwan. (2 Peter 3:7-9) Bat klosap nao pipol wea hapi and wea obeyim God bae stap long earth.—Readim Psalm 37:9-11.