Start lo December 24 go kasem 26, 2021, hevi rain kasem Bahia State, lo Brazil, and diswan affectim winim 640,000 pipol. Flooding hia mekem olketa dam for bosta, wea kosim flooding lo samfala big taon and spoelem olketa road wea go lo olketa taon hia tu.

• No eni brata or sista blo iumi garekil

• 273 pablisa olketa displace

• 109 haos kasem lelebet damage

• 3-fala Kingdom Hall kasem lelebet damage

• Wanfala Disaster Relief Komiti (DRC) organizem relief waka for provaedem wata, kaikai, and kaleko

• Olketa pablisa wea displace stap lelebet taem witim olketa relative or olketa nara pablisa

• Evriwan wea help lo disfala relief waka followim nao olketa COVID-19 safety gaedlaen

Brata Marcelo Ambrósio, wea insaed datfala DRC, sei: “Taem mifala lukim love wea olketa brata and sista garem for each other, datwan barava encouragem mifala and mekem mifala laek for waka hard for Jehovah.”

Iumi savve dat Jehovah bae “sef ples for haed” for olketa brata and sista blo iumi wea hevi rain hia affectim olketa.—Psalm 9:9.