Lo August 14, 2021, wanfala 7.2 magnitude earthquake hem sekem southwest part blo Haiti, and bihaen datwan, samfala smol earthquake tu gohed for seksek. Olketa still gohed for faendaot lo olketa damage wea datfala earthquake hem kosim.

• Sorre samting, thrifala sista blo iumi nao dae

• 21 lo olketa brata and sista garekil

• 119 haos hem damage

• 72 haos hem barava distroe

• 5 Kingdom Hall hem damage lelebet

• 4 Kingdom Hall hem damage nogud

• Wanfala Disaster Relief Komiti (DRC) organizem relief waka. Datfala DRC hem waka witim tufala circuit overseer and olketa elder lo datfala area wea earthquake affectim for provaedem physical help and tu for provaedem spiritual comfort for olketa brata and sista

• Datfala DRC hem organizem and givimaot olketa relief supply olsem blanket, kaleko, kaikai, medicine, canvas, and wata. Olketa mekem arrangement tu for olketa brata and sista wea garekil for kasem medical treatment

• Evriwan wea help lo disfala relief waka followim nao olketa COVID-19 safety gaedlaen

Nomata lo datfala hard situation, staka kongregeson lo datfala ples wea earthquake affectim olketa still garem weekend meeting lo Sunday, August 15, thru lo videoconference. And tu, olketa brata and sista fit for watchim Sunday morning program blo “Faith Barava Strongim Iumi!” Convention.

Iumi sorre tumas for lusim olketa wea dae. And iumi prea for olketa brata and sista blo iumi wea famili member hem dae, or wea garekil, and wea safa from disfala earthquake. Iumi sure Jehovah minim pain wea kasem olketa and hem bae gohed for kamap sef ples and strong blo olketa lo disfala hard taem.—Sams 46:1, 2.