Lo January 15, 2022, wanfala tsunami kosim big damage lo olketa island lo Tonga, bihaen wanfala volcano andanit lo sea hem erupt. Effect blo diswan kasem South America and Japan tu. Asis blo volcano and tsunami hia spoelem staka ples lo Tonga, and barava affectim saed lo communication.

• No eni brata or sista blo iumi garekil

• Wanfala Disaster Relief Komiti organizem relief waka

• Olketa brata help for aotem asis from ruf blo olketa haos mekem olketa savve kolektem klin drinking wata insaed olketa wata tank

• Evriwan wea help lo disfala relief waka followim nao olketa COVID-19 safety gaedlaen

Olketa brata and sista kwiktaem startim bak spiritual schedule blo olketa and gohed lo olketa meeting. Iumi sure Jehovah bae ‘helpem and comfortim’ olketa brata and sista blo iumi wea disaster hia affectim olketa.—Psalm 86:17.