Yes. God barava tingim olketa wea worshipim hem wea sik. Bible story olsem abaotem wanfala faithful man bifor: ‘Taem hem sik, bae [Jehovah] hemi helpem hem.’ (Sams 41:3) Sapos iu garem sik, thrifala samting lo daon savve helpem iu for deal witim datwan:

1.   Prea for God helpem iu for no givap. Iu savve kasem “peace bilong God wea winim . . . wanem man savve minim.” Datwan savve helpem iu for no wari tumas nomata hem no isi.​—Philippi 4:6, 7.

2.   Garem gudfala tingting. Bible sei: “Man hemi hapi, laef hemi helti. Man hemi filnogud, laef hemi bagarap.” (Provebs 17:22) Hem gud for gohed laflaf and hapi, bikos datwan savve helpem health blo iu and tu for iu no sorre tumas.

3.   Trustim olketa promis blo God for future. Hope wea iu garem for future savve helpem iu for hapi nomata iu garem sik. (Rome 12:12) Bible sei wanfala taem bae kam wea “no eniwan . . . bae hemi talem dat hemi sik.” (Aesaea 33:24) Lo datfala taem, God bae healim evriwan wea garem sik wea science no fit for faendem medicine for hem distaem. Example, Bible sei olketa olo bae young and healthy moa: “Long taem olsem, bodi blong man ya save kamap gud, an bae hemi strong moa olsem yang man.”​—Job 33:25.

 Tingim diswan: Nomata Olketa Jehovah’s Witness luksavve iumi savve kasem help from God, olketa go lo doctor tu for kasem medical treatment taem olketa sik. (Mark 2:17) Bat, mifala no mekhae lo eni medical treatment. Lo tingting blo mifala, for man disaedem eni samting saed lo health datwan hem disison blo hemseleva.