Wanfala teenager wea nem blo hem Will sei: “Bae iu boring for readim Bible sapos iu no duim samfala samting taem iu readim.”

 Hao, iu laek savve wat nao iu savve duim for enjoyim Bible reading? Disfala article bae helpem iu.

•  Mekem Bible reading interesting

•  Faendaot!

•  Wanem olketa nara young wan talem

 Imaginim iuseleva insaed lo story wea iu readim. Iu savve followim disfala idea hia:

1.   Chusim wanfala story lo Bible wea iu laek for studyim. Iu savve chusim wanfala story lo Bible or eni story from olketa Gospel, or wanfala story from olketa Bible reading drama wea stap lo jw.org.

2.   Readim datfala story. Iu savve readim seleva, or iu savve read big witim olketa fren blo iu or olketa narawan lo famili. Wanfala savve readim part blo man wea talem story then olketa narawan savve readim part blo olketa difren wan insaed datfala story.

3.   Traem eniwan lo olketa idea hia:

   •   Drawim olketa piksa abaotem datfala story. Or drawim olketa simpol piksa followim taem wea olketa samting hia hem happen. Raetem olketa toktok saed lo each piksa for explainim samting wea happen.

   •   Drawim olketa diagram. Example, taem iu read abaotem wanfala faithful man or woman, joinim olketa naes wei blo hem and olketa samting wea hem duim witim olketa blessing wea hem kasem.

   •   Mekem datfala story olsem wanfala nius. Act olsem nius reporter wea talem story lo olketa difren wei, and interviewim samfala lo story.

   •   If wanfala man lo datfala story no mekem wise disison, imaginim wat bae happen if hem mekem wise disison. Example nao, taem Peter denyim Jesus. (Mark 14:66-​72) Wat nao stret samting wea Peter shud duim?

   •   Iu savve trae for raetem wanfala Bible drama blo iuseleva followim story lo Bible. Raetem tu olketa samting wea iu savve lanem from datfala story.​—Rome 15:4.

 If iu ting raonem evri samting wea happen insaed datfala Bible reading, iu savve faendem olketa deep Bible truth. Iu savve lanem important samting from wanfala story lo Bible.

 For example, comparem Matthew 28:7 witim Mark 16:7.

•    Why nao Mark sei olketa disaepol “and Peter” bae go for lukim Jesus?

•  Clue: Mark no lukim olketa samting wea happen; bat hem tekem olketa information hia from Peter.

•  Important samting: Why nao Peter hapi taem hem herem Jesus laek for lukim hem? (Mark 14:66-​72) Wat nao Jesus duim wea showim hem gud fren blo Peter? Hao nao iu savve followim example blo Jesus for fren gud witim olketa narawan?

 Taem iu mekem Bible reading interesting and faendaot lo evri samting wea insaed story wea iu readim, bae iu enjoyim tumas Bible reading.