Kexrein sekangi icha jian thi thiaʼo xrun jiʼi
Saʼo de sekangi xrun jiʼi, denchelee nthiʼi. Kuthejan detsjeʼe VIDEO.
THI SAʼO SEGINCHII
Denchelee kain párrafo. Jii inchi thi xranchangi (A) ko texto ke icha suji thie (B) ke tjago thi icha renthe. Detsjeʼe ke ngayee inchi texto jii naa thi ndachro “tsjeʼe”.
THI YUXIN SEGINCHII
Párrafo de sección “Tangi icha” nthakianxiná keʼe thi rutsjeʼená (C). Ngai nanaa subtítulo dikiaʼo naa número ke tjago keʼe thi icha renthe (D). Kunixin ni dekangikuʼo ncheleera texto de ngaa Biblia, datheʼera thi xranchangi ko tsjeʼera kain video.
VIDEO. Ngai recuadro teʼi nchao seginchii video ke nchexeraxin nanaa de lección teʼi. Inchi video teʼi jaan denduaxin kuʼen. Ko ithuʼa video yaa juʼo inchi escenificación, ke nthagikuna keʼe thi dathuná nchaʼun ko nchaʼun.
Tsjeʼera imagen ko thi nthakianxiná ke jii ngakee (E), ko dexraxaun kexrein ruegatheʼe thi sección diʼin “Thi xraxaun inchina”(F).
THI NINXIN SEGINCHII
Nanaa lección thjexinxin kunixin thi diʼin “Thi kuanginá” ko “A xraxaun thi kuangi”(G). Are tsjexin tsangi thentaxin kesa juaʼa lección jiʼi. Ngai recuadro diʼin “A nchao sincheʼe jiʼi” sendathjo thi nchao sekengijna ngui retangi (H). Ngai sección diʼin “Thjee icha” seginchii icha artículo ko video ke nchao setsjeʼe (I).
Kexrein sekjee naa texto ngaa Biblia
Biblia dikiaʼo 66 libro. Chunda yuo sección: Escrituras Hebreoarameas ko Escrituras Griegas Cristianas. Inchina chunxinxina Antiguo Testamento ko Nuevo Testamento.
Texto dikiaʼo kexrein diʼin xruun ngaa Biblia (A), capítulo (B) ko versículo (C).
Ínchi, Juan 17:3 ruchro “xrun Juan, capítulo 17, versículo 3”.
