A xraxaun thi kuangi sección 1
Datheʼera thi xranchangi nthiʼi:
De kainxin thi ndachro Biblia ke tsuʼen nchaʼun nandaʼa tsii, kexeʼe thi icha denthaxruxiʼan ko unda.
(Tsjeʼe lección 02).
Unda dendachro suixin ke Biblia yaa Thee Dio.
(Tsjeʼe lección 03 ko 05).
Unda chunda ke sunthugundana ínchi diʼin Ndo Dio, Jehová.
(Tsjeʼe lección 04).
Biblia ndachro ke de Dio “thixin thi techuni” (Salmo 36:9). A degithikaun jiʼi suixin.
(Tsjeʼe lección 06).
Tsjeʼera Proverbios 3:32.
Unda Jehová yaa thi icha jian ruxrakjiuʼuná.
Keʼe chuʼen Jehová de ni jian xrakao. A degithikaun suixin ke tángi thi danchianá.
(Tsjeʼe lección 07 ko 08).
Tsjeʼera Salmo 62:8.
Are degakeʼe thenchaun, kekaa dendache Jehová. Keʼe icha nchao sendache Jehová.
Kexrein datheʼe Jehová thenchauʼana.
(Tsjeʼe lección 09).
Tsjeʼera Hebreos 10:24, 25.
Keʼe thi jian tsiauʼantha si sexrathe ngai ni testigo de Jehová.
A ko renthe ke asta nuinka sencheʼe para ke sexrathe ngai ni testigo de Jehová.
(Tsjeʼe lección 10).
Unda anto renthe ke sincheeleni Biblia kainxin nchaʼun. Keʼe programa dechunda suixin para ke denchelee Biblia kainxin nchaʼun.
(Tsjeʼe lección 11).
Asta anxun, keʼe thi icha denthaxruxiʼan de thi uretangi.
Desde are bekexinxin bekangi de Biblia, a ubegetan chrujan chijni. Kexeʼe. Keʼe sekengijna para ke sekinthueʼa de sekangi.
(Tsjeʼe lección 12).
