LECCIÓN 01
Kexrein nchao tsengijna Biblia
Tsjená danchanginá sobre thi techuná, thi tángi dathuná, thi tade̱ʼeni ko thi tsuʼen nchaʼun nandaʼa tsii. Kai nthakana juachjaun thi tuʼen nchaʼun ko nchaʼun. Ínchi keʼe, ke ruchundaná tumi para nchao sayakuʼená ni nchianduina. Tsje chujni dikuna ke Biblia datheʼe kain jiʼi ko kai ndachro keʼe nchao sunthuʼuna. A dechunxin naana ke nchao tsengijnana thi ndachro Biblia.
1. Kexeʼe inchi thi xranchangi ke datheʼe Biblia
Biblia datheʼe inchi thi xranchangi: Thino juixiná. Unda ixi tená nthiʼi. Unda ixi dutana thi tángi. Keʼe tuana are tade̱ʼená. Unda ixi anto jii guerra. Ko, keʼe tsuʼen nuntheʼana. Ngai Biblia datheʼe kainxin thi jaʼana danchanginá ko tsje chujni chrjuin tunuʼena ixi thi ndua ke bithjana.
2. Kexrein thengijnaná Biblia para ke jian tsjiana
Biblia ndathjuná thi nchao sunthuʼuna, para ke jian sunthena ngai ni nchianduina. Keʼe nchao sunthuʼuna para ke dantuʼa tsaana juachjaun ko tachrjuin sunthuʼuna xraana. Ínchi thinga tsanginá ngai xrun jiʼi, suixin sekangi jiʼi ko icha. Ko menxun asta sendachro “kainxin xruen Ndo Dio [o thi ndachro ngaa Biblia] [. . .] jian xrun” (2 Timoteo 3:16).
Biblia sixingixiʼan ixi xrun jiʼi. Icha jian, tsengijna tsangi icha. Mexinxin nchelee kainxin texto ke tununxin ngai xrun ko tsjeʼe keʼe chunda ke sikun jiʼi kunixin thi ritangi.
TANGI ICHA
Rutsjeʼená kexrein Biblia kuengijna ichana, keʼe nchao sunthuʼuna para tsanginá icha ko unda icha jian ke naana tsengijnananá para tsinxiná jian.
3. Biblia tjaguaná
Biblia yaa xraa naa xruʼi ke anto suji nchengasaan ke tjaguaná kexeʼe nthiʼa tsjiná. Ko nchao sunthugundana para ke jian tsincheʼená ko para tsunuana thi nandaʼa sikuʼen.
Tsjeʼera Salmo 119:105 ko tjaura de jiʼi:
-
Keʼe baxraxaun xi kji̱n salmo jiʼi de Biblia.
-
Keʼe dexraxaun suixin de Biblia.
4. Biblia datheʼe thi danchanginá
Naa thi nchrii bikun ke Biblia batheʼe kainxin thi jeʼe baganchangi. Tsjeʼera VIDEO ko tjaura de jiʼi:
-
Keʼe baganchangi thi nchrii jiʼi.
-
Ko kexrein kuengijna kuangi de Biblia.
Biblia ndathjuná ke sanchanginá. Tsjeʼera Mateo 7:7 ko tjaura de jiʼi:
-
A nchao satheʼe Biblia inchi thi danchanginá. Ínchi kexeʼe.
5. Chrjuin tsunuana are sunthuleena Biblia
Tsjena nchexruxiʼina ncheleena Biblia ko tsje tangina. Tsjeʼera VIDEO ko tjaura de jiʼi:
-
Keʼe xraxaun tsje xaxii de thi ncheleeni Biblia.
-
Unda anchee nchexruxiʼin xan nchelee xan Biblia.
Biblia tjaguaná thi ncheʼe ke chrjuin tunuana ko icha chunthianá. Tsjeʼera Romanos 15:4 ko tjaura de jiʼi:
-
A runthaxruxiʼan rukangi icha thi tjago Biblia de jiʼi.
6. Icha jian tsinxiná thi ndachro Biblia si naana tsengijnananá
Nchao jii ke nchelee Biblia, aro ichana, icha thengijneʼena are naana tjaguenana. Tsjeʼera Hechos 8:26-31 ko tjaura de jiʼi:
-
Keʼe rugundaana para ke icha jian tsinxiná thi ndachro Biblia (Tsjeʼera versículo 30 ko 31).
Xi de Etiopía gundeʼe ke inaana rukengijna para ke rukinxin thi ndachro Biblia. Jai nchauana kai rugundaana ke inaana tsengijnananá.
THI XRAXAUN INCHINA: “Thi tangini de Biblia yaa juʼo tiempo nchetjangini”.
-
Keʼe ruendachro suixin ko unda.
THI KUANGINÁ
Biblia ndathjuná keʼe nchao sunthuʼuna, datheʼe thi danchanginá, ncheʼe ke chrjuin tunuana ko chunthianá.
A xraxaun thi kuangi
-
Kekaa thi rugundaana jii ngaa Biblia.
-
Kexeʼe inchi thi xranchangi datheʼe Biblia.
-
Ko suixin, keʼe ruenthaxruxiʼan rueginchii ngaa Biblia.
THJEE ICHA
Dekjee ko detsjeʼe unda ixi thi ndachro ngaa Biblia anto thengijnaná.
“La eterna sabiduría de la Biblia” (La Atalaya, núm. 1 2018)
Detsjeʼe kexrein Biblia kuengijna naa thi xii ke basengixin thi bakunuʼe desde are nchinchjan.
Datsuan icha thi tjaguaná ngaa Biblia para ke jian sunthena ngai ni nchianduina.
“12 claves para una familia feliz” (¡Despertad!, núm. 2 2018)
Tsjeʼe kexrein Biblia nthakianxiná kensen thi denduaxin jithetuʼan nthiʼi ngataʼa nunthe.
