LECCIÓN 07

Kexrein nuʼen Jehová

SÍKUNI O TSI̱ʼINI NGAI THÁ

Are dexraxaun de Jehová keʼe thii ngai juaxraxauantha, a nthagiseʼentha aro kuthejan dekunuʼan ke anto kjin jii de suixin jaña xraa kjinxin te kunutse ko galaxia, a ni dexraxaun ke jeʼe anto tsanga aro ke xruʼin tunuʼen, aro kexrein denduaxin Jehová. Ngai Thee, Jehová tjaguaná kexrein chrjuinxin nuʼen jeʼe ko kai ke tajuachjaun ixi suixin.

1. Unda ixi chruʼa dukuna Dio

“Dio yaa naa espíritu” (Juan 4:24). Jehová jeʼa xraa jaʼana, jeʼe jeʼa de nthao ko luro. Jeʼe naa espíritu ke jii ngajni, naa thi jaʼana chruʼa dukuna.

2. Kekaa thi chunda Jehová tjaguaná kexrein chrjuinxin nuʼen

Maski chruʼa dukuna Jehová, are thexiʼiná datsuaná Ndo tunuana ke thexiʼiná thjueʼená Ndo ixi nuana ke jeʼe Ndo jaan jichun Ndo. Ko ngaa Biblia ndachro ke: “Jehová thjueʼe thi ndakua duan jie̱ ko thinthueʼa thi ni thjueʼe Ndo” (Salmo 37:28). Kai “anto thjuaaná Ndo ko thukunuaná Ndo”, ko icha thi ni tedatho thi tángi (Santiago 5:11). “Jehová jii chiaun de thi ni tethiin anseen; ko thengijna thi ni anto tatechiin” (Salmo 34:18). A benuʼan ke jaʼana nchao sunthuʼuna ke ruchee o tasechiin Jehová ixi thi nthuʼuna. Thi chujni ke thincheʼe ncheʼe thi jiaʼan ncheʼe ke tadechiin Ndo (Salmo 78:40, 41). Aro thi ni thincheʼe ncheʼe thi ndakua jii ncheʼena ke chee Ndo (tsjeʼe Proverbios 27:11).

3. Kexrein tjaguxin Jehová ke thjuaaná

Naa thi icha chrjuin ke chunda Jehová yaa thi thjueʼeni. Biblia ndachro ke, “Dio thjueʼeni” (1 Juan 4:8). Jehová tjaguaná ke thjuaaná kunixin thi ndachro Biblia ko kai ixi kainxin thi juinchechjian (tsjeʼe Hechos 14:17). Juʼo dexraxaun, ngai jiʼi, kexrein jeʼe Ndo juinthachjianá Ndo. Juinthachjianá Ndo para ke jaʼana sinthaxruxiana kainxin na̱ʼun dukuna ko sinthaxruxiana suun ko kain thi junthena. Jeʼe rinao ke jaʼana ruchaana kunixin kain thi jindajiná.

TANGI ICHA

Rutsjeʼená kekaa ncheʼe Jehová para ncheʼe kain thi jeʼe rinao. Kuthejan rutsjeʼená kexrein tjaguxin kexrein chrjuinxin nuʼen.

4. Nchauʼen Dio: thi tsangaxin Ndo

Jaʼana dundaana raana para nthuxina xrá, ko Jehová dundeʼe de nchauʼen. Biblia ndachruaʼa ke nchauʼen yaa naa chujni, icha jian dundeʼe de nchauʼen para nchexin kain thi jeʼe rinao. Tsjeʼera Lucas 11:13 ko Hechos 2:17, ko tjaura de jiʼi:

Ndo Dio dajun Ndo nchauʼen Ndo ngai thi ni danchia. Aro keʼe dexraxaun suixin, a dendachro ke jiʼi naa chujni a ni thi tsangaxin Ndo Dio, thi dundeʼe Ndo para nchexin Ndo kain, unda ixi jaña dexraxaun.

Jehová nchegunda de nchauʼen para nchexin tsje de thi jaʼana nthagiseʼená. Tsjeʼera Salmo 33:6 ko 2 Pedro 1:20, 21, ko tjaura de jiʼi:

Kexrein nchegunda Jehová nchauʼen.

5. Jehová chrjuin nuʼen mexinxin tuncheená ngai

Moisés bagithikaun Dio. Aro jeʼe binao rugiji rugatsuan Ndo icha jian. Mexinxin ndache Ndo: “Tjáguna kexeʼe nthiaa para ke saso satsuan jian” (Éxodo 33:13). Jehová batheʼe ko kjuago kexrein chrjuinxin nuʼen. Tsjeʼera Éxodo 34:4-6 ko tjaura de jiʼi:

Kekaa thi chrjuin kjuago Jehová ngai Moisés.
De kain thi ndachro nthiʼi, kexeʼe thi icha denthaxruxiʼan de Jehová.

6. Jehová tajuachjaun ixi chujni

Rajnee Dio are beʼe Egipto nthiʼa anto banchencheʼenana xrá. Kexrein bakunuʼe Jehová are rajnee bagatho thi tángi. Thiʼinra AUDIO ko tsjeʼera thi jincheleena o ncheleera ngai Éxodo 3:1-10. Ko tjaura de jiʼi:

AUDIO: Jehová kai bakiin ixi kain thi banchekauna rajnee (2:45)

Keʼe bekjaguʼa thi juexin bekiʼin de kexrein tunuʼen Jehová are dathuná thi tángi (tsjeʼera versículo 7 ko 8).
A dexraxaun ke Jehová jaan denduaxin rinao tsengijna chujni. A dexraxaun ke jaan nchao sincheʼe Ndo. Unda dendachro yaa.