LECCIÓN 09
Thenchaun sekengijna sekuncheʼe ngai Dio
A chrujan bee bekunuʼa ke rugundaʼantha ke rukengijnanthana. A deganchangi aro xruʼin kensen nchao degathaʼa. A rugundaʼantha ke sekengijnana are redatho naa thi tángi. A runthaxruxiʼantha ke icha chiaun rukunuʼantha de Jehová. Thi nchao sekengijna ngai kain jiʼi yaa thenchaun. Aro, kexrein chunda ke sakeʼeni thenchaun. A ko thiʼin Dio kainxin thenchaun. Kexrein sekunuanxin ke Dio jaan thiʼin thenchauʼantha. Rutsjeʼená.
1. Ngai kensen sakeʼená thenchaun. Keʼe nchao rundachruná ngai thenchauʼana.
Jesús kjuaguaná ke juʼo ngai Ndudaana ke thjen ngajni thi nchao sakeʼená thenchaun. Jeʼe bagakeʼe thenchaun ngai Jehová. Naa bee ndachro: “Jaʼara nichjeʼera Ndo jaʼin: ‘Suixin Ndudanana thjen ngajni. . .ʼ” (Mateo 6:9). Thi jian xrakjiuʼuná Jehová icha tunsuji.
Ngai thenchauʼana nchao rundachruná kexeʼo thi jaʼana tunuana. Aro, si rinauná, ke Dio tsiʼin thenchauʼana, sanchiaʼaná thi jaʼana nuana ke ruchjaʼaná Ndo. Biblia ndachro “ke nchao sanchianá kexeʼo aro ke chunda ke sikun ngai thi jeʼe Ndo rinao Ndo ko jeʼe Ndo jaan tsianá Ndo” (1 Juan 5:14). Jesús ndachro keʼe nchao sanchianá ngai thenchauʼana (tsjeʼe Mateo 6:9-13). Kai ndachro ke nchao rundachruná thi tunuana o xraxauná, ko rutjañaʼana sajuná juasaya ngai Dio ixi kainxin thi chjaaná ko sanchieʼená ixi ni icha.
2. Kexrein sakeʼená thenchaun
Biblia ndathjuná jiʼi: “Thekiʼira Ndo thi jii ngai ansaanra” (Salmo 62:8). Jiʼi ruchro ke thenchauʼana sachrjexin desde ngai ansaana. Ko nchao seen o jiunchja seʼena thenchauʼana, nchao tasunthena o tasunthengathjena kexeʼo de jiʼi aro ke tsjaguná ke tenthurespetana Jehová. Kai nchao sakeʼená thenchaun kexeʼo hora o nguixin thi ridunthena.
3. Kexrein datheʼe Dio thenchauʼana
Jeʼe jaan datheʼe thenchauʼana. Datheʼe kunixin, Biblia, jaña datheʼe kainxin thi jaʼana danchanginá. Thi ncheleeni Thee Dio nchao sincheʼe ke “thi nueʼan icha tsje tsangi” (Salmo 19:7; tsjeʼe Santiago 1:5). Ko, are chundaná chijni, Jehová thengijnaná. Kai, nchao sincheʼe ke icha ni nchexree tsengijnananá.
TANGI ICHA
Rutsjeʼená kexrein sakeʼená thenchaun ke sinchexruxiʼin Dio ko kexrein thenchaun jiʼi nchao tsengijnaná.
4. Keʼe sincheʼeni para ke Dio tsiʼin thenchauʼeni
Keʼe sunthuʼuna para ke Dio tsiʼin thenchauʼana. Tsjeʼera VIDEO.
Jehová rinao ke juʼo ngai jeʼe sakeʼená thenchaun. Tsjeʼera Salmo 65:2 ko tjaura de jiʼi:
-
A degithikaun ke Dio, ke “thiʼin kainxin thenchaun” rinao ke suixin senichjeʼe. Unda ixi jaña dexraxaun.
Si rinauná ke Dio tsiʼin thenchauʼana, chunda ke asta nuinka sunthuʼuna de suthikauna thi jeʼe thetuʼan. Tsjeʼera Miqueas 3:4 ko 1 Pedro 3:12, ko tjaura de jiʼi:
-
Kexrein nuanxina ke Dio thiʼin thenchauʼana.
Puede yuo grupo de ni thji guerra sanchieʼena Dio ke tsengijnana para ke sachana. Aro, a jaan tsiʼin Dio thenchauʼen ni teʼi.
5. Ke thenchauʼana sachrjexin de ansaana
Anto tsjena dikangina tsje thenchaun aro, a thenchaun teʼi thi nchexruxiʼin Ndo Dio. Tsjeʼera Mateo 6:7 ko tjaura de jiʼi:
-
Keʼe nchao sunthuʼuna para ke “jiʼa nguxun ko nguxun” sanchiana ngai thenchaun.
Mee si dexraxaun naa thi chrjuin ke begatho kuthejan dekekiʼin Jehová ko degajun juasaya. Si sencheʼe jiʼi nguixin naa semana, are tsjexin segikun ke anto tsje diekekiʼin Jehová.
Naa ndudaʼa chuʼen ke xeʼen rundachro xan thi jii ngai anseen xan. Jehová kai rinao ke are jaʼana runichjeená kai rundachruná thi chundaná ngai ansaana.
6. Thenchaun yaa naa juajni de Dio
Kexrein nthasujiná thenchaun are tedathuná naa thi tángi. Tsjeʼera VIDEO.
Biblia ndathjuná ke thenchaun tsengijnaná para ke chrjuin tsunuana. Tsjeʼera Filipenses 4:6, 7 ko tjaura de jiʼi:
-
Maski thenchaun dinthjiaʼan chijni ke chundaná, kexrein thengijnaná.
-
Ínchi keʼe ruenthaxruxiʼan ruendache Dio.
A benuʼan
Are ndachruni amén ruchro “jaña tsuʼen” o “jaña sexin”. Desde are saʼo bandachruna “amén” o “jaña tsuʼen”, are bakjexin naa thenchaun (1 Crónicas 16:36).
7. Degantsjenda tiempo para degakeʼe thenchaun
Te bee anto tsje xrá chundaná ke tatjañaana dakeʼená thenchaun. Aro kexrein bancherenthexin Jesús thenchaun. Tsjeʼera Mateo 14:23 ko Marcos 1:35, ko tjaura de jiʼi:
-
Kexrein bancheʼe Jesús para ke bagantsjenda tiempo para banichjee Ndudee.
-
Ko mee suixin, kexrein nchao sencheʼe.
THI XRAXAUN INCHINA: “Thenchaun yaa juʼo naa terapia para ke chrjuin tsunuʼeni”.
-
Keʼe dexraxaun suixin.
THI KUANGINÁ
Thi thenchaun ke dachrjexin de ngai ansaana ncheʼe ke icha tunchiauna ngai Dio. Kai ncheʼe ke dantuʼa taana juachjaun ko kai thengijnaná para ke nthuʼuna thi Jehová chuʼen de jaʼana.
A xraxaun thi kuangi
-
Ngai kensen sakeʼená thenchaun.
-
Kexrein sakeʼená thenchaun.
-
Kexrein thengijnaná thenchaun.
THJEE ICHA
Detsjeʼe keʼe thi datheʼe Biblia ngai inchi thi danchangi tsje chujni de thenchaun.
“Siete preguntas sobre la oración” (La Atalaya, 1 de octubre de 2010)
Denchelee unda ixi anto renthe ke suixin segakeʼe thenchaun ko kexrein icha chrjuin segakeʼe thenchaun.
Detsjeʼe ke ngai Biblia ndachro ngai kensen thi sakeʼená thenchaun.
Detsjeʼe ke video jiʼi tsjaguaná ke nchao sakeʼená thenchaun ngui thi ridunthena.
