LECCIÓN 11

Kexrein sekangi ngai Biblia

SÍKUNI O TSI̱ʼINI NGAI THÁ

A chrujan bee bekunuʼan ke chruʼa sencheʼe naa thi bexraxaun. Aro para ke dantuʼa tángi bekunuʼan, bekexinxin ngai thi icha tángiʼa. Xrajuʼo tuʼen are ncheleeni Biblia. Mexun seganchangi. Thino tsexianxin. Ngai lección jiʼi rutsjeʼená keʼe nchao sencheʼe ko keʼe sekengijna are senchelee ko are sekangi de Biblia.

1. Unda chunda ke sincheleeni Biblia kainxin nchaʼun

Ni nchelee Biblia kainxin nchaʼun o “Thi thetuʼan Jehová”, icha cheena ko jian thjiʼina (tsjeʼe Salmo 1:1-3). Para sekexinxintha, denchelee Biblia inchi minuto kainxin nchaʼun. Are icha segatsuan thi ndachro ngaa Thee Ndo Dio, icha senthaxruxiʼan senchelee.

2. Keʼe sekengijna para ke icha tsje sekangi de ngaa Biblia

Para ke icha jian sekinxin thi ndachro ngaa Biblia chunda ke segariʼi sexraxaun thi tencheleentha. Xrun jiʼi jiʼa juʼo jii para sincheleeni, kai para sintheni “ruxraxauni thi ndachro ngaaya” (Josué 1:8). Are senchelee deganchangi. “Keʼe tjaguná versículo jiʼi de Jehová. Kexrein nchao sinthaʼa jaʼan jiʼi. Ko kexrein nchao sinthagunda jiʼi para tsengijná ni icha”.

3. Keʼe hora nchao segantsjenda tiempo para senchelee Biblia

A tángi dekunuʼan segantsjenda tiempo para senchelee Biblia. Tsjená jaña tuana. Aro asta nuinka dencheʼe para degantsjenda “tiempo para dencheʼe jiʼi” (Efesios 5:16). Nchao sencheʼe jiʼi si segantsjenda tiempo kainxin nchaʼun. Inchina ncheleena nduyo. Inchina ncheleena chungixin are tatenchejugaʼana. Ko ikaxina saʼo de tasinthejuana. Kexeʼe de kanio hora teʼi nchao ruegantsjenda suixin.

TANGI ICHA

Rutsjeʼená keʼe nchao sencheʼe para ke are senchelee Biblia icha senthaxruxiʼan. Kai nthiʼi sunthuuná inchin thi sekengijna para seguan preparado saʼo de tsanginá, ko kai icha tsje sekinxin ko sekangi de ngaa Biblia.

Nchao tsanginá sinthaxruxianá suntuleená Biblia, jaña xraa are thexinxiná junthena naa comida.

4. Nchao senthaxruxiʼan senchelee Biblia

Jaan tángi are nathexinxiuni ncheleeni Biblia. Aro xrajuʼo tuana xraa are nathexinxiuná junthena naa comida, ndanda ko ndanda tatujniana, jaña tuʼen ngai Biblia “ndanda ko ndanda” tasinthaxruxiana sunthuleena. Tsjeʼera 1 Pedro 2:2 ko tjaura de jiʼi:

A dexraxaun ke si sekexiʼin senchelee Biblia kainxin nchaʼun tasenthaxruxiʼan ko asta sejinaunka senchelee icha.

Tsjeʼera VIDEO para satsuanra inchi xan xra ichjan ke kuexiʼin xan juinchexruxiʼin xan juinchelee xan Biblia. Kuthejan tjaura de jiʼi:

VIDEO: Xaxii ke kuangi xan thjueʼe xan Thee Dio (5:33)

Kekaa thi tángi betan xaxii de video.
Keʼe thi kuengijna xan.
Keʼe binthencheʼe xan para ke icha juinchexruxiʼin xan binthenchelee xan Biblia.

Kexrein tsexinxiná:

Dekincheʼe naa traducción icha actualizado ko ke dechunthia. Si jii Traducción del Nuevo Mundo en thaantha denchelee Biblia jiʼi.
Dekexinxin denchelee thi icha denthaxruxiʼan. Seginchii icha ngai tabla “Kexrein sekexinxin senchelee Biblia”.
Dekentaxin thi ubenchelee. Denchegunda tabla ke tununxin ngai xrun jiʼi ke diʼin “Thi rithentaxin thi ujuinthalee”.
Denchegunda aplicación JW Library^®. Ko si senchegania ngai teléfono o ngai kexeʼo inaa dispositivo, nchao senchelee ko sekiʼin thi ndachro ngaa Biblia ngai kexeʼo lugar ke sasekji.
Denchegunda apéndice jii ngai Traducción del Nuevo Mundo. Yaa seginchii mapa, tabla ko naa glosario ke sekengijna para ke icha senthaxruxiʼan senchelee Biblia.

5. Deguan preparado saʼo de sekangikuʼuna

Tjseʼera Salmo 119:34 ko tjaura de jiʼi:

Unda chunda ke segakeʼe thenchaun are senchelee Biblia o saʼo de sekangikuʼuna.

Kexrein sekangi icha. Are sekangi nanaa lección de xrun jiʼi dencheʼe jiʼi:

Denchelee kain párrafo jii thi thexinxin cada lección.
Dekjee kainxin texto, denchelee ko detsjeʼe keʼe chunda ke sikun kunixin thi retangi.
Denche subrayaa thi datheʼe ke xranchangi ngai párrafo. Jiʼi sekengijna are usekangikuʼo ni tetjaguʼantha.

A benuʼan

Ni testigo de Jehová nthagundaná tsje traducción de Biblia, aro icha nthagundaná Traducción del Nuevo Mundo ixi tangiʼa thinxini ko tjago kexrein diʼin Ndo Dio (detsjeʼe artículo jiʼi ngai jw.org: “¿Tienen los testigos de Jehová su propia Biblia?”)

THI XRAXAUN INCHINA: “Thi sincheleeni Biblia jiʼa para jaʼan. Ndachruʼa sinthaʼa yaa ko chundaʼa tiempo”.

Suixin keʼe dexraxaun.

THI KUANGINÁ

Para ke icha sekangi de Biblia, dantsjendantha naa hora para sencheleentha, ko deganchieʼentha Dio ke sekengijna para tsinxintha thi sencheleentha, ko duantha preparado saʼo de sekangi.