LECCIÓN 13
Kain religión nduaʼa tjago tsje thi nduaʼa de Dio
Si Dio thjueʼeni ko kainxin religión ndachruna ko nchegundana nombree Ndo, unda ixi anto tsje thi jiaʼan ncheʼena. Ixi jiʼi juxun religión nduaʼa. Kunixin thi nduaʼa ko kain thi ncheʼena juʼo nchechimekuna ínchi diʼin Ndo. Kexrein ncheʼena jiʼi. Kexrein tunuʼen Ndo Dio. Ko keʼe sincheʼe Ndo ixi jiʼi.
1. Kexrein nchegundana nombree Dio kunixin thi nduaʼa ke tjaguna
Kain religión nduaʼa dasengixina thi “ndua de Dio kunixin thi nduaʼa” (Romanos 1:25). Naa de jiʼi, tsje religión tjaguʼana kexrein diʼin Dio. Aro Biblia ndachro ke chunda ke sunthugundana ínchi diʼin Ndo (Romanos 10:13, 14). Tsje ni teditauʼen nthiʼa icha religión ndachruna ke are tuʼen naa thi jiaʼan yaa ixi jaña juinao Ndo Dio. Aro jiʼi nduaʼa. Jeʼe chundaʼa ke sikun kunixin kain thi jiaʼan ke jaʼana tuana (tsjeʼe Santiago 1:13). Ninchi chrjuiʼan kain jiʼi, aro kainxin thi nduaʼa ke jeʼena tjaguna juʼo ncheʼe ke chujni tatunkjina de Dio.
2. Kexrein nchegundana nombree Dio kunixin thi ncheʼena
Kainxin religión nduaʼa tjaguʼana kexrein denduaxin Jehová. Biblia ndachro ke “kainxin thi jiaʼan ke ncheʼena diji asta thi ngajni” (Apocalipsis 18:5). Kainxin religión teʼi uchunda tsje nano ke dixinthe ngai política, ko kai ngai guerra ke ncheʼe ke anto tsje chujni tasinde̱ʼena aro jeʼena ndakua dikuʼena jiʼi. Inaa de jiʼi ke ni teditauʼen nthiʼa icha religión, uanto tsje tumi chundana ko xra danchiana tumi ngai thi ni xrathe ngaina. Kainxin jiʼi tjaguxina ke chunxiʼana Ndo Dio. Mexinxin, kexrein nchao tsjaguna de jeʼe Ndo (tsjeʼe 1 Juan 4:8).
3. Kexrein tunuʼen Dio are dikun kain thi ncheʼe religión nduaʼa
Si suixin denthaxruxiaʼan keʼe ncheʼe icha religión ¡juʼo dexraxaun kexrein tunuʼen Jehová! Jeʼe thjueʼe kainxin chujni, aro anto jiduñauʼen kainxin thi ni teditauʼen nthiʼa religión teʼi ixi nichjana thi nduaʼa de jeʼe Ndo ko chrjuiʼan nuʼena ngai ni rueena. Dio ndachro ke kainxin religión nduaʼa taruxante ko ke “i rukjaʼani sikuni” (Apocalipsis 18:21). Utuin tasitjan kainxin religión teʼi (Apocalipsis 18:8).
TANGI ICHA
Rutsjeʼená jian thi xraxaun Jehová de religión nduaʼa. Kai rutsjeʼená keʼe juincheʼe religión teʼi. Ko, para tsjaxiná, rutsjeʼená unda ixi kain thi ncheʼe chundaʼa ke sinthakjiná de Dio.
4. Jeʼa kainxin religión ncheʼe thi rinao Ndo Dio
Tsje chujni xraxauna ke kain religión nchesayeʼe nakua Dio. Aro a ndua yaa. Tsjeʼera Mateo 7:13, 14 ko tjaura de jiʼi:
-
Ínchi ndachro Biblia, kexrein jii thi nthiʼa ke dikauni ngai thi ndua.
Tsjeʼera VIDEO ko tjaura de jiʼi:
-
A tjago Biblia ke Dio nchexruxiʼin kainxin religión.
5. Kainxin religión nduaʼa chunxiʼana thi thjueʼeni Dio
Religión tjago thi nduaʼa de Dio, naa de jiʼi ke dixinthena ngai guerra. Rutsjeʼená naa de jiʼi, tsjeʼera VIDEO. Ko tjaura de jiʼi:
-
Keʼe bincheʼe tsje ningo are chritaʼa beʼe Segunda Guerra Mundial.
-
Keʼe dexraxaun de thi juincheʼena.
Tsjeʼera Juan 13:34, 35 ko 17:16. Ko tjaura de jiʼi:
-
Kexrein tunuʼen Jehová are religión dixinthe ngai guerra.
-
Kainxin religión nduaʼa tanchrjandana ke tuʼen tsje thi jiaʼan ko tjaguʼana thi thjueʼeni Dio. Kekaa degikun suixin ke tjago ke jaan jaña jixin.
Religión nduaʼa tjaguʼa thi thjueʼeni Dio.
6. Dio rinao tsengijna chujni sachrjexina de religión nduaʼa
Tsjeʼera Apocalipsis 18:4 a ko tjaura de jiʼi:
-
Dio rinao tsengijna chujni ke te ngai religión nduaʼa. Kexrein deginkuʼen jiʼi.
7. Dekinthueʼa de dekangi de Dio nduaxin
A nchao jii ke sexraxaun ke Ndo Dio thetuʼen Ndo kainxin religión sincheʼena thi ndakuaʼa jii. Dexraxaun de naa chjan ke dithikauʼan xan thi ndachro ndudee xan sathjixin xan de nduʼa xan ko ncheʼe xan tsje thi jiaʼan. Maski ndudee xan ndakuaʼa dikuʼen kain jiʼi. A rundachruná ke kasuexin ndo jaña takuʼen xan.
-
A nchao jii ke sunthukaxina Jehová de kain thi jiaʼan ke ncheʼe kainxin religión nduaʼa ko tatsinthuʼená de tsanginá de jeʼe Ndo.
THI XRAXAUN INCHINA: “Kainxin religión xrajuʼo ncheʼe ko jaʼan i xruʼin rinaʼo tsununa de Dio”.
-
A kai jaña dexraxaun suixin.
-
Unda nchauʼa jii ke i ndakuaʼa ruxraxauná de Jehová juʼo ixi thi ncheʼe kainxin religión nduaʼa.
THI KUANGINÁ
Religión nduaʼa nchechimeko ínchi diʼin Dio kunixin thi tjago ko kainxin thi jiaʼan ke ncheʼe. Mexinxin utuin Dio tasinchexanthe.
A xraxaun thi kuangi
-
Keʼe dexraxaun suixin de thi ncheʼe ko tjago kainxin religión nduaʼa.
-
Keʼe xraxaun Jehová de kainxin religión nduaʼa.
-
Keʼe sinchekao Dio kainxin religión nduaʼa.
THJEE ICHA
Dio nchexruxiʼan thi ncheʼe tsje religión. Detsjeʼe yuo de jiʼi.
“¿Nos acercan a Dios todas las religiones?” (Artículo de jw.org)
Unda rinao Jehová ke sunthusayeʼena ngakjan ni icha ko jeʼa jaʼuna.
“¿Es necesario pertenecer a una religión?” (Artículo de jw.org)
Naa xi dana bagithikauʼan kain thi bakjague religioen. Aro jiʼi kayakueʼan para ke jeʼe rukangiʼa thi ndua de Dio.
“Un sacerdote abandona la Iglesia” (¡Despertad!, febrero de 2015)
Tsje ciento de nano, kain religión nichjana thi nduaʼa de Dio ko ncheʼena ke chujni sithikauna ke Ndo Dio anto jiaʼan Ndo, ke xruʼin tunuʼen Ndo ixi jaʼana. Detsjeʼe nii thi nduaʼa ke nichjana de jeʼe Ndo.
“Mentiras que nos alejan de Dios” (La Atalaya, 1 de noviembre de 2013)
