Ínchi kuanginá ngai lección batho, jiʼa kainxin religión nchexruxiʼin Ndo Dio. Aro jaan nchao sunthuxruxiʼina Ndo Diuana ko sunthuʼuna ke ruchee. Kexrein chunda ke “sunthusayeʼena” o “kexeʼe religión” jaan dayee Ndo (Santiago 1:​27; nota). Rutsjeʼená keʼe tjago Biblia.

1. Thino ndachro kexrein sinchesayeʼeni Dio

Ngai Biblia ndachro kexrein sinchesayeʼeni Dio. Jesús ndache Dio: “Thaa yaa thi ndua” (Juan 17:​17). Inchi religión nchegundaʼana Biblia para tjaguna thi ndua ke thixin de Dio; icha jian, tjaguna thi jeʼena xraxauna ko rueena thi ncheʼe ni icha. Aro Jehová nchexruxiʼan Ndo ke tathinthuʼena thi jeʼe Ndo thetuʼan Ndo (tsjeʼe Marcos 7:9). Aro jaʼana, nchao sunthuʼuna ke ruchee, are tjaguná ke nthurenthena thi ndachro ngaa Biblia ko duthikauna thi tjago.

2. Kexrein chunda ke sunthusayeʼena Jehová

Ixi Jehová thi juinthachjianá, jikininxin ke juʼo jeʼe sunthusayeʼena (Apocalipsis 4:​11). Jiʼi ruchro ke ruthjueʼená ko juʼo jeʼe sunthusayeʼena, ko rugundaʼaná ke sunthugundana naa imagen para sunthusayexina (tsjeʼe Isaías 42:8).

Ke thi sunthusayeʼena Ndo “thjua seʼe ko ke sinchexruxiʼin Ndo” (Romanos 12:1). Jiʼi ruchro ke sunthuʼuna thi tetanginá. Ínchi ni tekaʼo chuo, ni thjueʼe Jehová tjaguna ke ncherenthena ko dithikauna thi jeʼe Ndo thetuʼan Ndo. Kai ncheʼana thi nuʼena ke sincheniʼina, ínchi droga, kajno o xrandasua. a

3. Unda sunthusayeʼena Jehová ngai ni jaan dithikaun Ndo

Kainxin semana ke xrathená nchao tsjaguná ke nthusayeʼena “Jehová [...] ngai congregación” (Salmo 111:​1, 2). Naa thi tsjaguxiná ke nthusayeʼena yaa are tsjená are xrathená (tsjeʼe Salmo 104:​33). Si Jehová danchianá ixi ruxrathená yaa ixi anto rinauná ko jeʼe nuʼe jian ke are xrathená jiʼi tsengijnaná para ke icha jian tsjiana. Are xrathená thengijnaná ni icha ko jeʼena thengijnanana kai.

 TANGI ICHA

4. Nchauʼa jii ke sunthugundana imagen para sunthusayeʼena Dio

5. Si sunthusayeʼena juʼo Jehová, i suthikauʼana thi tjago ichana

 6. Nthasayaana Dio are xrathená

Tsjená ko nthacomentaana are xrathená ngai congregación, nthasayaana Jehová ko kai nthasuji chiana naana ko inaana. Tsjeʼera Salmo 22:​22 ko tjaura de jiʼi:

• A denthaxruxiʼan comentario ke dajuna are xrathená.

• A ruenthaxruxiʼan ruegajun naa comentario are xrathená.

7. Jehová anto nchexruxiʼin are thekiiná ni icha thi tanginá

Jii anto tsje thi tsekiiná ni icha de thi tetanginá de Biblia. Tsjeʼera Salmo 9:1 ko 34:1, ko tjaura de jiʼi:

• De kainxin thi bekangi de ngaa Biblia, keʼe thi ruenthaxruxiʼan ruekekiʼin ni icha.

 THI KUANGINÁ

Chrjuin nthukunuʼena Ndo Diuana ixi nthusayeʼena jeʼo jeʼe, are xrathená ngai congregación ko kai are thekiiná ni icha thi tetanginá.

A xraxaun thi kuangi

• Thino ndachro kexrein rinao Dio ke sunthusayeʼena.

• Unda chunda ke jeʼo Jehová sunthusayeʼena.

• Unda sunthusayeʼena Jehová ngai ni jaan dithikaun Ndo.